స్టైలిష్ స్టార్ అల్లు అర్జున్ నటిస్తున్న సినిమా 'నా పేరు సూర్య'. రామలక్ష్మి సినీ క్రియేషన్స్ బ్యానర్ పై నిర్మిస్తున్నఈ సినిమా ద్వారా ర‌చ‌యిత వక్కంతం వంశీ డైరెక్టర్ గా పరిచయం అవుతున్న విషయం తెలిసిందే. ఈ సినిమా ఏప్రిల్ 27వ తేదీన థియేటర్లలోకి రానుందని నిర్మాత బన్నీ వాసు తెలియచేసారు.

అయితే, సూపర్ స్టార్ మహేష్ బాబు, కొరటాల శివ కాంబినేషన్లో రూపుదిద్దుకుంటున్న 'భరత్ అనే నేను' ని కూడా అదే ఏప్రిల్ 27న విడుదల చేయడానికి ఫిక్స్ అయ్యారు ఆ చిత్ర నిర్మాతలు. మహేష్ సినిమాని ఏప్రిల్ 27న రిలీజ్ చేయబోతునట్లు ప్రకటించిన వెంటనే.. బన్నీ సినిమా డేట్ మార్చే ప్రసక్తి లేదని, ముందు అనుకునట్లు గానే విడుదల చేస్తామని వాసు చెప్పారు.

ఈ నేపథ్యంలో బన్నీ, మహేష్ బాబు సినిమాల మధ్య పోటీ ఉంటుందని అంతా అనుకున్నారు. కాని ఇప్పుడు వాసు మనసు మార్చుకుని, మేలో బన్నీ సినిమా విడుదలకి ఒప్పుకున్నట్లు సమాచారం. అయితే.. దీని వెనుక ఒక కారణం ఉందని ఇండస్ట్రీలో గుసగుసలు వినిపిస్తున్నాయి. మహేష్‌ మూవీ తర్వాత కొరటాల.. రామ్ చరణ్ తో సినిమా ప్లాన్ చేసారు.

కాని ఇప్పుడు మధ్యలో రాజమౌళి ఎంటరై ఎన్టీఆర్, రామ్ చరణ్ లతో మల్టీస్టారర్ మూవీ ప్లాన్ చేసిన‌ట్లు వార్తలు వినిపిస్తున్నాయి. అందుకే కొరటాల.. చరణ్ తో చేయాల్సిన సినిమాని బన్నీతో చేయడానికి నిశ్చయించుకున్నట్లు సమాచారం. ఈ కార‌ణంతోనే.. బన్నీ తను ప్రస్తుతం చేస్తున్న సినిమా విడుదల విషయంలో చిన్న అడ్జ‌స్ట్‌మెంట్ చేసుకున్నట్లు స‌మాచారమ్‌.