రుద్ర‌మ‌దేవి ఈసారి ఫిక్స్
- IndiaGlitz, [Saturday,September 19 2015]
అందాల తార అనుష్క టైటిల్ రోల్ పోషించిన చిత్రం రుద్ర‌మ‌దేవి. ఈ చిత్రాన్ని గుణ‌శేఖ‌ర్ స్వీయ దర్శకత్వంలో తెర‌కెక్కించారు. అల్లు అర్జున్ ఈ చిత్రంలో గోన గ‌న్నారెడ్డి పాత్ర‌లో న‌టించారు. భారీ బ‌డ్జెట్ తో 3డి లో రూపొందించిన రుద్ర‌మ‌దేవి చిత్రం ఎప్పుడో రిలీజ్ కావాలి. కానీ కొన్ని కార‌ణాల వ‌ల‌న రుద్ర‌మ‌దేవి వాయిదా ప‌డుతూ వ‌స్తుంది.
తాజాగా గుణ‌శేఖ‌ర్ రుద్ర‌మ‌దేవి చిత్రాన్ని అక్టోబ‌ర్ 9న రిలీజ్ చేస్తున్న‌ట్టు ప్ర‌క‌టించారు. ఇప్ప‌టికే అనుష్క‌తో ప్ర‌మోష‌న్ చేయించిన గుణ‌శేఖ‌ర్ మ‌ళ్లీ ప్ర‌మోష‌న్ స్టార్ట్ చేసారు. ఈసారి రెబ‌ల్ స్టార్ క్రిష్ణంరాజు తో ప్ర‌మోష‌న్ స్టార్ట్ చేయించాడు గుణ‌శేఖ‌ర్. ఈసారైనా డేట్ మారకుండా రుద్ర‌మ‌దేవి చెప్పిన డేట్ కు వ‌స్తుందా అంటే....ఈసారి రుద్ర‌మ‌దేవి రిలీజ్ డేట్ మారే ఛాన్స్ లేదంటున్నాడు గుణ‌శేఖ‌ర్. మ‌రి... చాలాసార్లు వాయిదాప‌డిన రుద్ర‌మ‌దేవి ఎలాంటి రిజ‌ల్ట్ అందిస్తుంద‌నేది తెలియాలంటే అక్టోబ‌ర్ 9 వ‌ర‌కు ఆగాల్సిందే.