ஒரே ஷெட்யூலில் முடிவடையும் தனுஷின் அடுத்த படம்!
- IndiaGlitz, [Saturday,August 31 2019]
தனுஷ் நடிப்பில் உருவாகியுள்ள 'என்னை நோக்கி பாயும் தோட்டா', 'அசுரன்' மற்றும் 'பட்டாஸ்' ஆகிய திரைப்படங்கள் அடுத்தடுத்து வெளியாக உள்ள நிலையில் தனுஷ் தற்போது கார்த்திக் சுப்புராஜ் இயக்கத்தில் உருவாகி வரும் ஒரு படத்தின் படப்பிடிப்பிற்காக லண்டன் சென்றுள்ளார்
கார்த்திக் சுப்புராஜ் இயக்கத்தில் தனுஷ், ஐஸ்வர்யா லட்சுமி நடிப்பில் உருவாகி வரும் இந்தப் படத்தை தயாரிப்பாளர் சசிகாந்த் தயாரித்து வருகிறார். இந்த படத்தின் மொத்த படப்பிடிப்பும் லண்டனில் நடைபெற உள்ளதை அடுத்து படக்குழுவினர் அனைவரும் லண்டனுக்கு சென்றுள்ளனர்
இந்த நிலையில் இந்த படத்தை திட்டமிட்ட பட்ஜெட்டில் முடிக்க மொத்த படப்பிடிப்பையும் ஒரே ஷெட்யூலில் முடிக்க படக்குழுவினர் திட்டமிட்டுள்ளனர். இது ஒரு கேங்க்ஸ்டர் படம் என்றும் இந்திய கேங்க்ஸ்டரான தனுஷ், ஐரோப்பிய கேங்க்ஸ்டர்களுடன் மோதும் விறுவிறுப்பான சம்பவங்கள் தான் இந்த படத்தின் கதை என்றும் கூறப்படுகிறது.. ஏற்கனவே தனுஷ் ஒருசில கேங்க்ஸ்டர் படங்களில் நடித்திருந்தாலும் கார்த்திக் சுப்புராஜ் இந்த படத்தை வித்தியாசமாக உருவாக்கவிருப்பதாக கூறப்படுகிறது