'ஹரஹர மகாதேவி' மற்றும் 'இருட்டு அறையில் முரட்டுக்குத்து' ஆகிய இரண்டு அடல்ட் படங்களில் அடுத்தடுத்த நடித்தvar நடிகர் கவுதம் கார்த்திக். இந்த இரண்டு படங்களுக்கும் பல எதிர்ப்புகள் இருந்தாலும் வசூல் அளவில் வெற்றி பெற்ற படங்கள் என்பதால் கவுதம் கார்த்திக் மேலும் ஒருசில அடல்ட் படங்களில் தொடர்ந்து நடிப்பார் என்று எதிர்பார்க்கப்படுகிறது.

இதுகுறித்து நமக்கு அளித்த பிரத்யேக பேட்டியில் பதிலளித்த நடிகர் கவுதம் கார்த்திக், 'இருட்டு அறையில் முரட்டுக்குத்து' படத்தின் இரண்டாம் பாகம் உள்பட இனிமேல் அடல்ட் காமெடி படத்தில் இப்போதைக்கு நடிக்கும் எண்ணம் இல்லை என்றும் ஒரு இடைவெளிக்கு பின்னர் பார்க்கலாம்' என்றும் கூறினார்.

மேலும் 'இருட்டு அறையில் முரட்டு குத்து' படத்தை ஆண் ரசிகர்கள் மட்டுமே பார்ப்பார்கள் என்ற எண்ணம் தனக்கு இருந்ததாகவும், ஆனால் தான் தியேட்டரில் இந்த படத்தை பார்க்க சென்றிருந்தப்போது இளம்பெண்கள் உள்பட பெண் ரசிகர்களும் இந்த படத்தை அதிகளவு ரசித்து பார்த்தது தனக்கு ஆச்சரியத்தை அளித்ததாகவும் கவுதம் கார்த்திக் தெரிவித்தார்.