பார்த்திபன் அதையும் செய்துவிட்டார், அதனால் அதுக்கும் மேல... 'ஓநாய்கள் ஜாக்கிரதை' இயக்குனரின் புது முயற்சி!
- IndiaGlitz, [Friday,January 27 2023]
ஒரே ஒரு நடிகரை மட்டும் வைத்து படம் எடுக்க திட்டமிட்டு இருந்ததாகவும் ஆனால் ’ஒத்த செருப்பு’ படம் மூலம் பார்த்திபன் அதை செய்து விட்டதால் ஒரு நடிகர் கூட இல்லாமல் படம் எடுக்கும் முயற்சியில் இருப்பதாகவும் ’ஓநாய்கள் ஜாக்கிரதை’ என்ற திரைப்படத்தை இயக்கிய இயக்குனர் பட்டாபிராமன் தெரிவித்துள்ளார்.
தமிழ் சினிமாவில் பல வித்தியாசமான திரைப்படங்கள் அவ்வப்போது வந்து கொண்டிருக்கும் என்பதும் ஒரே ஒரு நடிகர், ஒரே ஒரு ஷாட்டில் எடுக்கப்பட்ட படங்களுக்கு படங்கள் வெளியான நிலையில் அடுத்ததாக தற்போது நடிகர்களை இல்லாமல் முதல் முறையாக ஒரு படம் உருவாக்கப்பட இருப்பதாக தகவல் வெளியாகி உள்ளன.
‘ஓநாய்கள் ஜாக்கிரதை’ என்ற படத்தை இயக்கி விமர்சன ரீதியில் பிரபலமான இயக்குனர் பட்டாபிராமன் என்பவர் தயாரித்து இயக்கும் படத்தில் ஒரு நடிகர் கூட நடிக்கவில்லை என்றும் உலக சினிமா வரலாற்றில் நடிகர்களே இல்லாமல் உருவாக்கப்படும் முதல் படம் இதுதான் என்றும் கூறப்படுகிறது.
தமிழ் ஆங்கிலம் உள்பட பழமொழிகளில் உருவாகும் இந்த படம் குறித்த அறிவிப்பு விரைவில் வெளியாகும் என்று அவர் தெரிவித்துள்ளார். இந்த படம் குறித்து இயக்குனர் பட்டாபிராமன் கூறுகையில் ’ஒரு ஒரே ஒரு நடிகர் மட்டும் நடிக்கும் படத்தை இயக்க திட்டமிட்டு இருந்ததாகவும் ஆனால் அதை பார்த்திபன் செய்து விட்டதால் அந்த ஒரு நடிகர் கூட இல்லாமல் முழுக்க முழுக்க காட்சி அமைப்பு மற்றும் திரைக்கதை மட்டுமே அமைந்துள்ள ஒரு படத்தை இயக்கி வருவதாகவும் அவர் தெரிவித்துள்ளார்
இந்த படத்தில் கிராபிக்ஸ் முக்கிய பங்கு வகிக்கும் என்றும் குழந்தைகள் முதல் பெரியவர்கள் வரை ரசிக்கும் வகையில் இந்த படம் உருவாக்கப்பட்டு இருப்பதாகவும் 2023 கோடை விடுமுறையில் இந்த படம் வெளியாகும் என்றும் அவர் தெரிவித்துள்ளார்.
ஆதிஷ் உத்ரியன் இசையமைப்பில், விஜய் திருமூலம் ஒளிப்பதிவில் தேவராஜ் கலை இயக்கத்தில் உருவாகும் இந்த படத்தின் கிராபிக்ஸ் பணிகளை ரெமி ஸ்டுடியோ மேற்கொள்ளவுள்ளது. எஸ் பயாஸ்கோப் புரொடக்ஷன்ஸ் சார்பாகப் பட்டாபிராமன் தயாரித்து இயக்குவதோடு படத்தொகுப்பு பணியையும் அவரே கவனிக்க உள்ளார்.