'நேர் கொண்ட பார்வை' - பிங்க் படங்களின் ரன்னிங் டைம் வித்தியாசம்
- IndiaGlitz, [Wednesday,July 24 2019]
தல அஜித் நடித்த 'நேர்கொண்ட பார்வை' திரைப்படம் வரும் ஆகஸ்ட் 8ம் தேதி உலகம் முழுவதும் வெளியாக உள்ள நிலையில் இந்த படம் இன்று சென்சாருக்கு சென்றது. 'நேர்கொண்ட பார்வை' படத்தை பார்த்த சென்சார் அதிகாரிகள் படத்திற்கு 'யுஏ' சான்றிதழ் அளித்துள்ளனர். மேலும் இந்த படத்தின் ரன்னிங் டைம் 158 நிமிடங்கள் அதாவது இரண்டு மணி நேரம் 38 நிமிடங்கள் என தெரியவந்துள்ளது.
சென்சார் பணிகள் முடிவடைந்து சென்சார் சான்றிதழுதம் பெற்று உள்ளதை அடுத்து வரும் ஆகஸ்ட் 8ம் தேதி இந்த படம் ரிலீஸாவது உறுதி செய்யப்பட்டுள்ளது.
இந்த நிலையில் 'நேர்கொண்ட பார்வை' திரைப்படம் பாலிவுட்டில் அமிதாப் நடித்த 'பிங்க்' படத்தின் தமிழ் ரீமேக் என்பது அனைவரும் அறிந்ததே. 'பிங்க்' படத்தின் ரன்னிங் டைம் 2 மணி நேரம் 16 நிமிடங்கள் ஆகும். அதாவது 136 நிமிடங்கள் ஆகும். ஆனால் நேர்கொண்ட பார்வை படத்தின் ரன்னிங் டைம் 158 நிமிடங்களாக உள்ளது. அதாவது பிங்க் படத்தை விட நேர் கொண்ட பார்வை திரைப்படம் 22 நிமிடங்கள் அதிகமாக உள்ளது. இந்த 22 நிமிடங்கள் காட்சியும் அஜித்-வித்யாபாலன் மற்றும் அஜித்தின் மாஸ் காட்சிகள் சம்பந்தப்பட்டவையாக இருக்கும் என எதிர்பார்க்கப்படுகிறது.