రామ్ స‌ర‌స‌న నివేతా పేతురాజ్
- IndiaGlitz, [Wednesday,July 10 2019]
మెంట‌ల్ మ‌దిలో చిత్రంతో తెలుగులో మెల్లిగా ప్ర‌స్థానాన్ని ప్రారంభించిన దుబాయ్ భామ నివేతా పేతురాజ్ మెల్లిమెల్లిగా తెలుగులో సినిమాలు చేస్తోంది. చిత్ర‌ల‌హ‌రిలో ఓ కేర‌క్ట‌ర్ చేసిన ఆమె బ్రోచేవారెవ‌రురాలోనూ మెప్పించింది. తాజాగా అల్లు అర్జున్ హీరోగా త్రివిక్ర‌మ్ ద‌ర్శ‌క‌త్వంలో రూపొందుతున్న చిత్రంలోనూ కీల‌క పాత్ర చేయ‌నుంది. దీంతో పాటు ఈమె మరో సినిమా అవకాశాన్ని అందిపుచ్చుకుంద‌ని కోలీవుడ్ టాక్‌.
అయితే ఈ సినిమా రీమేక్ అట. త‌మిళ సినిమా 'త‌డ‌మ్‌' రీమేక్‌గా తెలుగులో రామ్ హీరోగా ఓ సినిమా రూపొంద‌నుంద‌ట. త‌మిళంలో స్మృతి వెంక‌ట్ చేసిన పాత్ర‌ను తెలుగులో నివేతా పేతురాజ్ చేయ‌నున్న‌ట్టు వినికిడి. త‌మిళంలో ఈ సినిమాలో అరుణ్ విజ‌య్ న‌టించారు. అక్క‌డ మంచి విజ‌యాన్ని సాధించింది త‌డ‌మ్‌. తెలుగులో రామ్ కోసం మార్పులు చేస్తున్న‌ట్టు వినికిడి. ఒక‌వేళ నివేతా క‌నుక ఈ సినిమాకు ఓకే చెబితే వ‌రుస‌గా యంగ్ హీరోల సినిమాల‌ను అంగీక‌రించిన‌ట్టు లెక్క. రామ్ ప్ర‌స్తుతం తెలుగులో ఇస్మార్ట్ శంక‌ర్ ప్ర‌మోష‌న్ల‌తో బిజీగా ఉన్నారు.