விஷ்ணுவின் அடுத்த பட நாயகி இவர்தான்
- IndiaGlitz, [Wednesday,November 29 2017]
கோலிவுட் திரையுலகில் இளையதலைமுறை நடிகர்களில் குறிப்பிடத்தக்கவர்களில் ஒருவர் விஷ்ணு. கடந்த 2015ஆம் ஆண்டு வெளியான 'வேலைன்னு வந்துட்டா வெள்ளைகாரன்' படத்தின் சூப்பர் ஹிட் வெற்றியை அடுத்து தற்போது இவர் ஒரே நேரத்தில் சுமார் நான்கு படங்களில் நடித்து வருகிறார்
இந்த நிலையில் வேலைன்னு வந்துட்டா வெள்ளைகாரன்' இயக்குனர் எழில் இயக்கத்தில் மீண்டும் ஒரு படத்தில் விஷ்ணு நடிக்கின்றார் என்ற செய்தி ஏற்கனவே வெளிவந்தது. தற்போது இந்த படத்தின் நாயகி குறித்த தகவல் வெளிவந்துள்ளது. இந்த படத்தில் நடிகை நிவேதா பேதுராஜ் ஒப்பந்தமாகியுள்ளதாக கூறப்படுகிறது.
ஒருநாள் கூத்து' படத்தின் மூலம் தமிழ் திரையுலகில் அறிமுகமான நிவேதா, அதன் பின்னர் உதயநிதி ஸ்டாலினின் 'பொதுவாக எம் மனசு தங்கம் படத்தில் நடித்தார். தற்போது ஜெயம் ரவியின் 'டிக் டிக் டிக்' மற்றும் வெங்கட் பிரபுவின் 'பார்ட்டி ஆகிய படங்களில் நிவேதா நடித்து வருகிறார் என்பது குறிப்பிடத்தக்கது. இந்த படத்தின் டைட்டில் உள்பட மற்ற விபரங்கள் அதிகாரபூர்வமாக இன்னும் ஒருசில நாட்களில் அறிவிக்கப்படும் என தெரிகிறது.