கடந்த இரண்டு நாட்களுக்கு முன் நடிகை நிவேதா பெத்துராஜ் காரில் சென்று கொண்டிருக்கும் போது திடீரென காவல்துறை அதிகாரிகள் அவருடைய காரை வழிமறித்து சோதனை செய்ய வேண்டும் என்று கூறியதாகவும், குறிப்பாக டிக்கியை திறந்து காட்டுங்கள் என்று கூறிய போது அவர்களிடம் நிவேதா பெத்துராஜ் வாக்குவாதம் செய்த வீடியோ இணையத்தில் வைரலானது.

மேலும் இந்த சம்பவத்தை தனது செல்போனில் ஒருவர் வீடியோ எடுத்த நிலையில் நிவேதா பெத்துராஜ் கோபப்பட்டதும் அவருடைய செல்போனை தட்டிவிட்ட காட்சிகளும் அந்த வீடியோவில் இருந்தது.

இந்த வீடியோ உண்மையாக நடந்த நிகழ்ச்சியா? அல்லது நிவேதா பெத்துராஜ் நடிக்கும் திரைப்படத்தில் இடம்பெறும் காட்சியா? என்ற சந்தேகத்தை ஆரம்பம் முதலே ரசிகர்கள் எழுப்பி வந்தனர். குறிப்பாக நிவேதா பெத்துராஜிடம் பேசிக் கொண்டிருந்த காவல்துறை அதிகாரியின் காலில் ஷூ இல்லை என்பதே இந்த சந்தேகத்திற்கு பெரும் காரணமாக இருந்தது.

இந்த நிலையில் இது ஒரு புரமோஷன் வீடியோ என்பது தற்போது உறுதி செய்யப்பட்டுள்ளது. நிவேதா பெத்துராஜ் நடிக்கும் தமிழ் தெலுங்கு வெப் தொடரான ‘பருவு’ என்ற தொடரின் படப்பிடிப்பு தான் இந்த வீடியோ என்றும் அவருடைய காரில் ஒரு பிணத்தை வைத்திருந்த நிலையில் அதை காவல்துறை அதிகாரிகளுக்கு தெரியாமல் கொண்டு போவதற்காக அவர் வாக்குவாதம் செய்யும் காட்சி அந்த வெப் தொடரில் வருகிறது என்றும் அந்த காட்சியின் படப்பிடிப்பின் போது எடுத்த வீடியோ தான் என்பது உறுதி செய்யப்பட்டுள்ளது.

இதன் முழு வீடியோவை ஜீ5 தெலுங்கு தனது சமூக வலைதளத்தில் வெளியிட்டுள்ள நிலையில் ரசிகர்கள் இது குறித்து தங்களது கமெண்ட்களை பதிவு செய்து வருகின்றனர்.

View this post on Instagram

A post shared by ZEE5 Tamil (@zee5tamil)