యంగ్ టైగ‌ర్ ఎన్టీఆర్‌, మెగాప‌వ‌ర్ స్టార్ రాంచ‌ర‌ణ్ హీరోలుగా రాజ‌మౌళి ద‌ర్శ‌క‌త్వంలో ప్రెస్టీజియ‌స్‌గా రూపొందుతోన్న చిత్రం `RRR`. ప్ర‌స్తుతం రాంచ‌ర‌ణ్ కాలికి గాయం కావ‌డంతో సినిమాకు మూడు వారాల పాటు బ్రేక్ ప‌డింది. అదీగాక ఎన్టీఆర్‌తో న‌టించాల్సిన బ్రిట‌న్ హీరోయిన్ డైసీ ఎడ్గార్గ్ జోన్స్ ప్రాజెక్ట్ నుండి త‌ప్పుకున్నారు.

ఇప్పుడు యూనిట్ అంతా ఎన్టీఆర్ స‌ర‌స‌న న‌టించే హీరోయిన్ కోసం ఎవ‌రైతే బావుంటుందా? అని ఆలోచన‌లు జ‌రుపుతున్నారు. అయితే ఫిలింన‌గ‌ర్ వ‌ర్గాల స‌మాచారం ప్ర‌కారం నిత్యామీన‌న్‌ను ఈ చిత్రంలో న‌టించ‌నుంది. రీసెంట్‌గా ఈమెను రాజ‌మౌళి హైద‌రాబాద్‌కు పిలించి చ‌ర్చ‌లు జ‌రిపార‌ట‌. మ‌రి ఎన్టీఆర్ ప‌క్క‌న న‌టించడానికో లేక మ‌రేదైనా కీల‌క పాత్ర కోస‌మో తెలియ‌డం లేదు. కొన్ని రోజుల్లో ఓ క్లారిటీ రానుంది.