నిత్యా.. రెండు చాలెంజింగ్ రోల్స్
- IndiaGlitz, [Thursday,February 01 2018]
అభిన‌యానికి అవ‌కాశ‌మున్న పాత్ర‌ల్లోనే సంద‌డి చేసే క‌థానాయిక‌ల్లో కేర‌ళ‌కుట్టి నిత్యా మీన‌న్ ముందుంటుంది. అలా మొద‌లైంది, ఇష్క్‌, గుండె జారి గ‌ల్లంత‌య్యిందే, మ‌ళ్ళీ మ‌ళ్ళీ ఇది రాని రోజు, ఓకే బంగారం చిత్రాల‌తో న‌టిగా త‌నేమిటో నిరూపించుకుంది నిత్యా. అయితే.. గ‌తంలో మాదిరిగా ఆమె వరుస సినిమాలతో సంద‌డి చేయ‌డం లేద‌న్న‌ది వాస్త‌వం. ఆచితూచి సినిమాల‌ను ఎంపిక చేసుకుంటున్న ఈ ముద్దుగుమ్మ.. ఈ ఏడాది రెండు చిత్రాల‌తో సంద‌డి చేయ‌నుంది.
ఆ చిత్రాలే అ!, ప్రాణ. వీటిలో ముందుగా అ! చిత్రం విడుద‌ల కానుంది. నేచుర‌ల్ స్టార్ నాని స‌మ‌ర్పిస్తున్న ఈ చిత్రంలో భారీ తారాగ‌ణ‌మే ఉంది. అయితే.. నిత్యా చేస్తున్న పాత్ర ప్ర‌త్యేకం అని తెలుస్తోంది. ఇందులో ఆమె లెస్బియ‌న్ పాత్ర‌లో క‌నిపించ‌నుంద‌ని స‌మాచార‌మ్‌. ఈ నెల 16న ఈ మూవీ రిలీజ్ కానుంది. ఇక ప్రాణ విష‌యానికొస్తే.. ద‌క్షిణాదిలోని నాలుగు భాష‌ల్లోనూ రూపొందిన ఈ చిత్రం.. ఒకే ఒక పాత్ర‌తో రూపొందింది. ఆ పాత్ర‌లో నిత్యా సంద‌డి చేయ‌నుంది. ర‌చ‌యిత్రిగా క‌నిపించ‌నున్న ఈ పాత్ర కూడా నిత్యా కెరీర్‌లో ప్ర‌త్యేకంగా నిలుస్తుంద‌ని వినిపిస్తోంది. మొత్తానికి.. ఈ రెండు చిత్రాల‌లో చాలెంజింగ్ రోల్స్‌తో నిత్యా త‌న మార్క్ చూపించ‌బోతుంద‌న్న‌మాట.