వాళ్ల‌ని ఈగోయిస్టుల‌న్న నిత్యా
- IndiaGlitz, [Monday,April 29 2019]
నిత్యామీన‌న్ ఎప్పుడూ ఉన్న‌దున్న‌ట్టు మాట్లాడేస్తుంద‌నే పేరు తెచ్చుకుంది. తెలుగులో తొలి, మ‌లి సినిమాల‌తోనే గోల్డెన్ లెగ్‌గా పేరు తెచ్చుకున్న నిత్యామీన‌న్ పాన్ ఇండియా ఆర్టిస్ట్ గా ఎదిగింది. అయితే ఆమెకు ఈగో ఎక్కువ‌ని, నిర్మాత‌లకు గౌరవం ఇవ్వ‌డం లేద‌ని ఆమెను మ‌ల‌యాళం సినిమాల నుంచి బ్యాన్ చేయాల‌నీ వార్త‌లు వ‌చ్చాయి. ఇటీవ‌ల వాటి గురించి స్పందించారు నిత్యా. ఆమెకు మైగ్రేన్ త‌ల నొప్పి ఉంద‌ట. దానికి తోడు ఆమె త‌ల్లికిక్యాన్స‌ర్ మూడో స్టేజ్‌లో ఉంద‌ట.
ఇది తెలిసిన నిత్య చాలా బాధ‌ప‌డుతున్నారు. త‌ల్లిని త‌ల‌చుకుని త‌ర‌చూ ఏడ‌వ‌డంతో ఆమెకు త‌ల‌నొప్పి పెరుగుతోందట. అలాంటి స‌మ‌యంలో కొంద‌రు నిర్మాత‌లు ఆమెను క‌లవాల‌ని వెళుతున్నార‌ట. ముంద‌స్తు అపాయింట్‌మెంట్ లేక‌పోవ‌డంతో ఎవరినీ క‌ల‌వ‌డానికి ఆమె ఇష్ట‌ప‌డ‌టం లేద‌ట. అదే విష‌యాన్ని చెబితే వాళ్లు 'నిత్య‌కు ఈగో' అని అంటున్నారు. 'ఈగో నాకు కాదు. వాళ్లకే' అని త‌న స్టైల్లో చెప్పారు నిత్య.