నిత్యా ఎక్కువ అడుగుతోంద‌ట
- IndiaGlitz, [Monday,December 04 2017]
నిత్యా మీనన్.. పెర్‌ఫార్మెన్స్ ఓరియెంటెడ్ పాత్ర‌ల‌కు చిరునామాగా నిలిచిన ఈ త‌రం క‌థానాయిక. ప్ర‌స్తుతం ఈ ముద్దుగుమ్మ.. నేచుర‌ల్ స్టార్ నాని మొదటిసారిగా నిర్మిస్తున్న'అ!'లో నటిస్తోంది. అంతేకాకుండా.. సుధీర్ వర్మ డైరెక్ష‌న్‌లో శర్వానంద్ హీరోగా న‌టిస్తున్న చిత్రంలోనూ న‌టించేందుకు గ్రీన్ సిగ్న‌ల్ ఇచ్చింది. ఇందులో కాజ‌ల్ అగ‌ర్వాల్ మెయిన్ హీరోయిన్ కాగా.. సెకండ్ హీరోయిన్‌గా నిత్యా మీనన్ నటిస్తోంది.
అయితే.. ఈ సినిమా కోసం నిత్య రెమ్యునరేషన్ కొంచెం ఎక్కువగానే అడుగుతుందని టాలీవుడ్ వర్గాలు చెబుతున్నాయి. ఈ విష‌యంలో ఇంకా చ‌ర్చ‌లు జ‌రుగుతున్నాయ‌ని తెలిసింది. ఆమె రెమ్యునరేషన్ తగ్గించుకునే అవకాశం లేకపోతే.. ఆమె స్థానంలో మరో హీరోయిన్ ని ఎంపిక చేసుకునే విధంగా చిత్ర యూనిట్ ఆలోచిస్తున్నట్లు స‌మాచార‌మ్‌.
కాగా, శర్వానంద్, నిత్యా మీనన్ కాంబినేషన్లో ఇప్ప‌టికే మళ్ళీ మళ్ళీ ఇది రాని రోజు, రాజాధిరాజా చిత్రాలు వ‌చ్చాయి. అయితే ఈ సినిమాలు మంచి కాన్సెప్ట్‌ల‌తో రూపొందినా.. ఆశించిన విజ‌యాలు సాధించ‌లేదు.