நேற்று பாலாஜி, இன்று மகத்: தொடரும் நித்யாவின் மோதல்
- IndiaGlitz, [Friday,June 29 2018]
பிக்பாஸ் வீட்டில் உள்ள 16 போட்டியாளர்களில் நித்யாவுக்கும் இன்னொருவருக்கும் மட்டுமே இதுவரை பிரச்சனை வந்து கொண்டிருக்கின்றன. முதல் வாரம் வெங்காய பிரச்சனையில் கிட்டத்தட்ட எல்லோருமே நித்யாவை குறை கூறினர். அதன் பின்னர் பாலாஜியிடம் அடிக்கடி மோதி வரும் நித்யா, இன்று மகத்துடன் மோதுவதாக சற்றுமுன் வெளியாகியுள்ள வீடியோவில் தெரிகிறது.
நேற்றைய பிக்பாஸ் நிகழ்ச்சியில் எஜமானியாக இருக்கும் நித்யாவை வேலைக்காரரான பாலாஜி கெட்ட வார்த்தையில் திட்டியதாக ஒரு பஞ்சாயத்து நடந்தது. இதற்காக பாலாஜிக்கு இந்த டாஸ்க் முடியும் வரை பேசக்கூடாது என்ற தண்டனையும் கொடுக்கப்பட்டது
இந்த நிலையில் சற்றுமுன் வெளியான புரமோ வீடியோவில் நித்யா சாப்பாட்டை கொட்டியதற்கு மகத் கண்டிக்கின்றார். தான் ஒன்றும் நாய் இல்லை என்றும், சாப்பாட்டை மரியாதை இல்லாமல் கொடுத்ததால் கொட்டியதாகவும் நித்யா விளக்கமளிக்கின்றார். இருப்பினும் சாப்பாட்டை கொட்டியது தப்பு என்று மகத் கண்டிக்க, இதனால் நித்யாவுக்கும் மகத்துக்கும் மோதல் வெடிப்பதாக இன்றைய வீடியோவில் இருந்து தெரிகிறது.
இந்த வாரம் பிக்பாஸ் வீட்டின் தலைவியாக நித்யா இருப்பதால் அவரது பெயர் எவிக்சனிலும் இடம்பெறவில்லை. போட்டியாளர்களை மட்டுமின்றி பார்வையாளர்களையும் வெறுப்பேற்றி வரும் நித்யாவை அடுத்த வாரம் மக்கள் வாக்குகள் மூலம் வெளியேற்றுவார்களா? என்பதை பொறுத்திருந்து பார்ப்போம். ஏற்கனவே வேலைக்காரி டாஸ்க்கில் நித்யா சரியாக வேலை செய்யாததால் அவர் நேரடியாக அடுத்த வார எவிக்சன் பட்டியலில் தேர்வு செய்யப்பட்டுள்ளார் என்பது குறிப்பிடத்தக்கது
#பிக்பாஸ் இல்லத்தில் இன்று.. #BiggBossTamil - தினமும் இரவு 9 மணிக்கு உங்கள் விஜயில்.. #VivoBiggBoss @Vivo_India pic.twitter.com/DYZh04KVP8
— Vijay Television (@vijaytelevision) June 29, 2018