ప్ర‌స్తుతం క‌రోనా వ‌ల్ల లాక్‌డౌన్ ఏర్ప‌డించి జ‌నాలు ప‌దిమందికి పైగా ఎక్క‌డైనా గుమిగూడాలంటే ప్ర‌భుత్వాలు ఒప్పుకోవ‌డం లేదు. అయితే అంతకు ముందే పెళ్లిళ్లు ఫిక్స్ చేసుకున్న టాలీవుడ్ సెల‌బ్రిటీలు త‌మ పెళ్లిళ్ల‌ను కొంత‌కాలం వాయిదా వేసుకున్నారు. అయితే క‌రోనా ఎఫెక్ట్ ఇప్ప‌ట్లో త‌గ్గేలా లేదు. దీంతో కొంద‌రు సెల‌బ్రిటీలు ప్ర‌భుత్వ నియ‌మాలు ఆధారంగానే ప‌రిమిత‌మైన కుటుంబ స‌భ్యుల మ‌ధ్య పెళ్లిళ్లు చేసుకున్నారు. నిర్మాత దిల్‌రాజు త‌న రెండో వివాహాన్ని త‌న కుటుంబ స‌భ్యుల మ‌ధ్య‌నే జ‌రుపుకున్నారు. అలాగే హీరో నిఖిల్ కూడా ప‌ల్ల‌వి వ‌ర్మ‌ను కూడా లాక్‌డౌన్ నిబంధ‌న‌ల మ‌ధ్య‌నే పెళ్లి చేసుకున్నారు.

నిజానికి నిఖిల్ త‌న పెళ్లిని ఓసారి వాయిదా వేసుకున్నాడు. మ‌రోసారి క‌రోనా ప్ర‌భావంతో లాక్‌డౌన్ ఎక్స్‌డెంట్ చేయ‌డంతో .. నెక్స్ట్ ముహుర్తానికి ఎక్కువ‌గా వేచి చూడటం భావ్యం కాద‌ని, మూఢం వ‌చ్చేస్తుంద‌ని భావించిన పెద్ద‌లు ఉన్న‌ట్లుండి నిఖిల్‌, ప‌ల్ల‌విల పెళ్లిజ‌రిపించేశారు. అయితే నిఖిల్ పెళ్లిరోజునే పెళ్లి చేసుకోవాల‌నుకున్న మ‌రో యువ హీరో నితిన్ మాత్రం లాక్‌డౌన్ స‌మ‌యంలో పెళ్లి చేసుకోవాల‌నుకోవ‌డం లేద‌ట‌. సినీ వ‌ర్గాల స‌మాచారం మేర‌కు నితిన్ త‌న పెళ్లిని డిసెంబ‌ర్‌లో చేసుకోవాల‌నుకుంటున్నాడ‌ట‌. అప్ప‌టికి క‌రోనా ప్ర‌భావం త‌గ్గిన త‌ర్వాతే నితిన్ పెళ్లి చేసుకోవాల‌నుకుంటున్నాడ‌ట‌.