వ‌రుస విజ‌యాల‌పై ఉన్న హీరో నితిన్ ఇప్పుడు హ‌ను రాఘ‌వ‌పూడి ద‌ర్శ‌క‌త్వంలో ఓ సినిమా చేస్తుండ‌గా, ప‌వ‌న్ క‌ల్యాణ్‌, త్రివిక్ర‌మ్ నిర్మిస్తున్న మ‌రో సినిమాలో కూడా న‌టిస్తున్నాడు. అయితే అస‌లు విష‌యం ఏమిటంటే ప‌వ‌న్ క‌ల్యాణ్‌, త్రివిక్ర‌మ్ సినిమా కంటే ముందుగా నితిన్, నిర్మాత కె.కె.రాధామోహ‌న్‌తో సినిమా చేయ‌డానికి కోటి రూపాయాలు అడ్వాన్స్ తీసుకున్నాడు. డేట్స్ కూడా కేటాయించాడ‌ట‌. కానీ ఎప్పుడైతే ప‌వ‌న్ క‌ల్యాణ్, త్రివిక్ర‌మ్ సంప్ర‌దించారో, నితిన్ రాధామోహ‌న్‌కు కేటాయించిన డేట్స్‌ను వీరికి కేటాయించేశాడ‌ట‌. ఇప్పుడు రాధామోహన్ ప‌రిస్థితే ఏం అర్థం కాకుండా ఉండిపోయింది. ఈ రెండు సినిమాల త‌ర్వాత‌నే నితిన్ రాధామోహ‌న్‌తో సినిమా చేసే అవ‌కాశాలు క‌న‌ప‌డుతున్నాయి. మ‌రి అప్ప‌టికైనా నితిన్ సినిమా చేస్తాడో లేదో మ‌రి....