'చదరంగం' ఆడ‌బోతున్న నితిన్
- IndiaGlitz, [Saturday,October 05 2019]
యువ క‌థానాయ‌కుడు నితిన్... ప్ర‌స్తుతం మూడు చిత్రాల‌తో బిజీగా ఉన్నాడు. 'ఛ‌లో' ఫేమ్ వెంకీ కుడుముల ద‌ర్శ‌క‌త్వంలో 'భీష్మ', 'తొలిప్రేమ' ఫేమ్ వెంకీ అట్లూరి డైరెక్ష‌న్‌లో 'రంగ్ దే'... అలాగే సీనియ‌ర్ డైరెక్ట‌ర్ చంద్ర‌శేఖ‌ర్ యేలేటి రూప‌క‌ల్ప‌న‌లో మ‌రో చిత్రం చేస్తున్నాడు. వీటిలో 'భీష్మ' ఇప్ప‌టికే చిత్రీక‌ర‌ణ ద‌శ‌లో ఉండ‌గా... క్రిస్మ‌స్ సంద‌ర్భంగా డిసెంబ‌ర్ ద్వితీయార్ధంలో విడుద‌ల‌కు సిద్ధ‌మ‌వుతోంది. ఇక 'రంగ్ దే' విష‌యానికి వ‌స్తే... ద‌స‌రా సంద‌ర్భంగా లాంఛ‌నంగా ప్రారంభం కానున్న ఈ రొమాంటిక్ ఎంట‌ర్‌టైన‌ర్ 2020 వేస‌విలో తెర‌పైకి రాబోతోంది.
ఈ రెండు సినిమాల మ‌ధ్య‌లోనే... చంద్ర‌శేఖ‌ర్ యేలేటి - నితిన్ కాంబినేష‌న్ ఫిల్మ్‌ వ‌స్తుంద‌ని టాక్‌. ఇప్ప‌టికే కొంత‌మేర చిత్రీక‌ర‌ణ జ‌రుపుకున్న ఈ కాన్సెప్ట్ ఓరియెంటెడ్ ఫిల్మ్‌కి ఓ ఇంట్రెస్టింగ్ టైటిల్ వినిపిస్తోంది. అదే.. 'చదరంగం'. తాజా క‌థ‌నాల ప్ర‌కారం... సినిమాలో క‌థానాయ‌కుడు చ‌ద‌రంగ క్రీడాకారుడు కావ‌డంతో... టైటిల్‌ని కూడా 'చదరంగం'గా ఫిక్స్ చేశార‌ని తెలిసింది. త్వ‌ర‌లోనే ఈ టైటిల్‌కు సంబంధించి అధికారిక ప్ర‌క‌ట‌న వెలువ‌డుతుంది.
భ‌వ్య క్రియేష‌న్స్ ప‌తాకంపై వి. ఆనంద్ ప్ర‌సాద్ ప్ర‌తిష్ఠాత్మ‌కంగా నిర్మిస్తున్న ఈ చిత్రంలో నితిన్‌కి జోడీగా ర‌కుల్ ప్రీత్ సింగ్‌, ప్రియా ప్ర‌కాశ్ వారియ‌ర్ నాయిక‌లుగా న‌టిస్తున్నారు.
'అ ఆ' త‌రువాత స‌రైన విజ‌యాలు లేని నితిన్.. 'భీష్మ', 'చదరంగం', 'రంగ్ దే'తోనైనా ట్రాక్‌లోకి వ‌స్తాడేమో చూద్దాం.