చ‌ర‌ణ్ మూవీలో విల‌న్గా నితిన్
- IndiaGlitz, [Saturday,October 24 2015]
మెగా ప‌వ‌ర్ స్టార్ రామ్ చ‌ర‌ణ్ త‌మిళ్ సినిమా త‌ని ఒరువ‌న్ తెలుగు రీమేక్ లో నటిస్తున్న విష‌యం తెలిసిందే. ఈ చిత్రానికి సురేంద‌ర్ రెడ్డి ద‌ర్శ‌క‌త్వం వ‌హించ‌నున్నారు. ప్ర‌స్తుతం స్ర్కిప్ట్ వ‌ర్క్ జ‌రుగుతోంది. జ‌న‌వ‌రి నుంచి రెగ్యుల‌ర్ షూటింగ్ స్టార్ట్ చేయ‌డానికి ప్లాన్ చేస్తున్నారు. ఈ సినిమా త‌మిళ వెర్ష‌న్ లో నెగిటివ్ రోల్ ను అర‌వింద్ స్వామి పోషించారు. ఆ పాత్ర‌ను తెలుగులో రానా పోషిస్తున్న‌ట్టు వార్తలు వ‌చ్చాయి.
ఆత‌ర్వాత ఆ పాత్ర‌కు మాధ‌వ‌న్, బాలీవుడ్ హీరో వివేక్ ఒబిరాయ్ పేరు కూడా పరిశీలించారు. తాజాగా ప్రముఖ బాలీవుడ్ నటుడు నీల్ నితిన్ ముఖేష్ తో ఆపాత్ర చేయిస్తే బాగుంటుంద‌ని ఆలోచిస్తున్నార‌ట. బాలీవుడ్‌లో న్యూయార్క్, జైల్ సినిమాల్లో నటించిన నితిన్ ముఖేష్, తమిళంలో కత్తి సినిమాతో సౌత్‌కు పరిచయమయ్యారు. మ‌రి..ఇప్ప‌టి వ‌ర‌కు చ‌ర‌ణ్ విల‌న్ పాత్ర‌కు చాలా మంది పేర్లు పరిశీలించారు. కానీ సెట్ కాలేదు. నితిన్ ముఖేష్ ని ఫైన‌ల్ చేస్తారేమో చూడాలి.