హీరో నితిన్ సోద‌రి ఏంటి? సినిమాల్లో న‌టిస్తుందా? అని అనుకోకండి. ఎందుకంటే నితిన్ చెల్లెలుగా 'అఆ' సినిమాలో న‌టించిన అన‌న్య గుర్తుండే ఉంటుంది. ఎందుకంటే..త‌మిళ సినిమా 'ఎంగెయుం ఎప్పొదుం' అనువాద చిత్రం 'జ‌ర్నీ' తో తెలుగు ప్రేక్ష‌కుల‌కు ద‌గ్గ‌రైంది.

పెళ్లి చేసుకున్న త‌ర్వాత అన‌న్య ప‌రిమితంగా సినిమాలు చేస్తూ వ‌స్తుంది. ఇప్పుడు మ‌రో తెలుగు సినిమాలో న‌టించ‌డానికి రెడీ అయ్యింది. మెగాప‌వ‌ర్‌స్టార్ రామ్‌చ‌ర‌ణ్ హీరోగా బోయ‌పాటి శ్రీను ద‌ర్శ‌క‌త్వంలో ఓ సినిమా రూపొందుతోన్న సంగ‌తి తెలిసిందే.

ఈ సినిమాలో ప్ర‌శాంత్, న‌వీన్‌చంద్ర‌లు చెర్రీకి అన్న‌య్య‌లుగా న‌టిస్తుంటే.. ప్ర‌శాంత్‌తో స్నేహ‌, నవీన్ చంద్ర‌తో అనన్య జంట‌గా క‌నిపించ‌బోతున్నారు. అంటే అన‌న్య చర‌ణ్ వ‌దిన పాత్ర‌లో క‌న‌ప‌డ‌బోతోంద‌న్న‌మాట‌.