అక్కినేని అఖిల్ న‌టించిన తొలి చిత్రం అఖిల్. వి.వి.వినాయ‌క్ ద‌ర్శ‌క‌త్వంలో హీరో నితిన్ ఈ చిత్రాన్నినిర్మించిన విష‌యం తెలిసిందే. అభిమానులు ఎన్నో ఆశ‌లు పెట్టుకున్న అఖిల్ చిత్రం డిజాస్ట‌ర్ అవ్వ‌డంతో అఖిల్ రెండో సినిమా విష‌యంలో చాలా కేర్ తీసుకుంటున్నాడు.

ఇదిలా ఉంటే... అ ఆ సినిమా ప్ర‌మోష‌న్స్ లో భాగంగా నితిన్ మీడియాతో మాట్లాడుతూ....అఖిల్ సినిమా అనుభ‌వాల‌ను గుర్తుచేసుకున్నారు. అఖిల్ సినిమా ఫ్లాప్ అయిన‌ప్పుడు ఆ బాధ నుంచి బ‌య‌ట‌కు రావ‌డానికి చాలా టైమ్ ప‌ట్టింది. దాదాపు రెండు నెల‌లు ప‌ట్టింది. అలా అవుతుంద‌ని అస‌లు అనుకోలేదు. సినిమా కోసం చాలా క‌ష్ట‌ప‌డ్డాం. కానీ...ఎందుక‌నో అలా జ‌రిగిపోయింది అన్నారు. మ‌ళ్ళీ... నిర్మాత‌గా సినిమాలు నిర్మిస్తారా అని అడిగితే...ఖ‌చ్చితంగా చేస్తాను అన్నారు. మ‌రి..నిర్మాత‌గా నితిన్ ఈసారి ఎలాంటి చిత్రం చేస్తాడో చూడాలి.