ప‌వ‌న్‌కు క‌లిసొచ్చిన తేదికి నితిన్
- IndiaGlitz, [Friday,March 30 2018]
ప‌వ‌ర్ స్టార్ ప‌వ‌న్ క‌ళ్యాణ్ కెరీర్‌లో మ‌ర‌చిపోలేని చిత్రం 'తొలిప్రేమ'. ప‌వ‌న్ కెరీర్‌లో ట‌ర్నింగ్ పాయింట్‌లా నిలిచిన ఈ సినిమా 20 ఏళ్ళ క్రితం అంటే... 1998లో జూలై 24న ప్రేక్ష‌కుల ముందుకు వ‌చ్చింది. క‌ట్ చేస్తే.. 20 ఏళ్ళ త‌రువాత అదే తేదికి ప‌వ‌న్ వీరాభిమాని అయిన యువ క‌థానాయ‌కుడు నితిన్ త‌న కొత్త సినిమాతో ప‌ల‌క‌రించేందుకు సిద్ధ‌మ‌వుతున్నారు.
కాస్త వివ‌రాల్లోకి వెళితే.. దిల్ వంటి విజ‌య‌వంత‌మైన చిత్రం త‌రువాత ప్ర‌ముఖ నిర్మాత దిల్ రాజు నిర్మాణంలో నితిన్ ఓ సినిమా చేస్తున్న సంగ‌తి తెలిసిందే. 'శ్రీ‌నివాస క‌ళ్యాణం' పేరుతో రూపొందుతున్న ఈ సినిమాకి శ‌త‌మానంభ‌వ‌తి ఫేమ్ స‌తీష్ వేగేశ్న ద‌ర్శ‌క‌త్వం వ‌హిస్తున్నారు. రాశీ ఖ‌న్నా, నందితా శ్వేత క‌థానాయిక‌లుగా న‌టిస్తున్న ఈ చిత్రంలో ప్ర‌కాశ్ రాజ్ కీల‌క పాత్రలో న‌టిస్తున్నారు. ఇప్ప‌టికే చిత్రీక‌ర‌ణ‌ను ప్రారంభించుకున్న ఈ సినిమాను జూలై 24న విడుద‌ల చేయ‌డానికి స‌న్నాహాలు చేస్తున్న‌ట్లు చిత్ర వ‌ర్గాలు ప్ర‌క‌టించాయి. మ‌రి.. ప‌వ‌న్‌కు క‌లిసొచ్చిన తేది నితిన్‌కు క‌లిసొస్తుందా? వెయిట్ అండ్ సీ.