అక్కినేని నాగ‌చైత‌న్యకు రీసెంట్‌గా విడుద‌లైన యుద్ధం శ‌ర‌ణం చిత్రంతో షాక్ త‌గిలింది. కొత్త‌గా ట్రై చేసి ఫ‌లితం అందుకుందామ‌ని ప్ర‌య‌త్నించి మ‌రోసారి దెబ్బ‌తిన్నాడు. చైత‌న్య త‌న త‌దుప‌రి సినిమాకు రంగం సిద్ధం చేసుకుంటున్నాడు. ఇప్పుడు చైత‌న్య రెండు సినిమాలు చేస్తున్నాడు. అందులో చందు మొండేటి ద‌ర్శ‌క‌త్వంలో స‌వ్య‌సాచితో పాటు మారుతి ద‌ర్శ‌క‌త్వంలో ఓ సినిమా చేస్తున్నాడు.

ప్ర‌స్తుతం మారుతి సినిమాకు సంబంధించిన ప్రీ ప్రొడ‌క్ష‌న్ ప‌నులు స్టార్ట్ అయ్యాయి. అందులో భాగంగా హీరోయిన్‌ను ఎంపిక చేసేసుకున్నార‌ట‌. ఫిలింన‌గ‌ర్‌లో విన‌ప‌డుతున్న స‌మాచారం ప్ర‌కారం ఈ చిత్రంలో చైత‌న్య స‌ర‌స‌న మేఘా ఆకాష్ హీరోయిన్‌గా న‌టించ‌నుంది. లై సినిమా త‌ర్వాత నితిన్ హీరోగా త్రివిక్ర‌మ్‌, ప‌వ‌న్‌క‌ల్యాణ్ నిర్మిస్తున్న చిత్రంలో మేఘా ఆకాష్ న‌టిస్తుంది. దీంతో పాటు ఇప్పుడు చైత‌న్య‌తో అవ‌కాశం అందుకుంది.