నిఖిల్ చిత్రంలో నితిన్ హీరోయిన్?
- IndiaGlitz, [Monday,February 12 2018]
స్వామి రారా, కార్తికేయ, సూర్య వెర్స‌స్ సూర్య, ఎక్క‌డికి పోతావు చిన్న‌వాడా చిత్రాలతో యువ‌తలో త‌న‌కంటూ ప్ర‌త్యేక గుర్తింపు తెచ్చుకున్నాడు యంగ్ హీరో నిఖిల్. ప్ర‌స్తుతం ఆయ‌న క‌న్న‌డ బ్లాక్‌బ‌స్ట‌ర్ మూవీ కిరిక్ పార్టీకి రీమేక్‌గా రూపొందుతున్న కిరాక్ పార్టీలో హీరోగా న‌టిస్తున్నారు. నిర్మాణం తుది ద‌శ‌కు చేరుకున్న ఈ సినిమా.. త్వ‌ర‌లోనే తెర‌పైకి రానుంది.
ఇదిలా ఉంటే.. త‌మిళంలో విజ‌యం సాధించిన 'క‌ణిత‌న్' రీమేక్ వెర్ష‌న్‌లోనూ నిఖిల్ క‌థానాయ‌కుడిగా న‌టించ‌నున్నాడ‌ని గ‌త కొద్ది రోజులుగా వార్త‌లు వ‌స్తున్న సంగ‌తి తెలిసిందే. త‌మిళ వెర్ష‌న్‌కు ద‌ర్శ‌క‌త్వం వ‌హించిన టి.ఎన్. సంతోష్ ఈ చిత్రానికి కూడా ద‌ర్శ‌క‌త్వం వ‌హించ‌నున్నారు. త‌మిళంలో న‌టించిన కేథ‌రిన్ ట్రెసానే ఇందులోనూ క‌థానాయిక‌గా న‌టించ‌నుంద‌ని క‌థ‌నాలు వినిపించాయి. అయితే ఇప్పుడామె స్థానంలోకి మేఘా ఆకాష్ వ‌చ్చి చేరింద‌ని తెలిసింది. నితిన్ గ‌త చిత్రం 'లై'తో పాటు నితిన్ తాజా చిత్రం 'ఛ‌ల్ మోహ‌న్ రంగ'లోనూ మేఘా క‌థానాయిక‌గా న‌టించిన సంగ‌తి తెలిసిందే. త్వ‌ర‌లోనే ఈ విష‌యంపై అధికారిక ప్ర‌క‌ట‌న వ‌స్తుంది.