నితిన్ సినిమా స్టార్ట్ అయ్యింది..!
- IndiaGlitz, [Friday,January 06 2017]
యువ హీరో నితిన్ హీరోగా అందాల రాక్ష‌సి, కృష్ణ గాడి వీర ప్రేమ గాథ చిత్రాల ద‌ర్శ‌కుడు హ‌ను రాఘ‌వ‌పూడి దర్శకత్వంలో ఓ చిత్రం రూపొందుతున్న విష‌యం తెలిసిందే. ఈ చిత్రాన్ని 14 రీల్స్ ఎంట‌ర్ టైన్మెంట్ సంస్థ నిర్మిస్తుంది. రొమాంటిక్ ఎంట‌ర్ టైన‌ర్ గా రూపొందుతున్న ఈ చిత్రం షూటింగ్ ను ఈరోజు ప్రారంభించారు. ఈ విష‌యాన్ని హీరో నితిన్ ట్విట్ట‌ర్ ద్వారా తెలియచేసారు.
ఎనిమిది నెల‌ల త‌ర్వాత షూటింగ్ లో పాల్గొంటున్నాను అని నితిన్ తెలిపారు. ఫ‌స్ట్ షెడ్యూల్ ను హైద‌రాబాద్ లో ప్లాన్ చేసారు. ఇక రెండో షెడ్యూల్ ను యు.ఎస్ లో చేయ‌డానికి ఏర్పాట్లు చేస్తున్నారు. అ ఆ స‌క్సెస్ త‌ర్వాత నితిన్, కృష్ణ గాడి వీర ప్రేమ గాథ త‌ర్వాత హ‌ను రాఘ‌వ‌పూడి ఈ సినిమా చేస్తుండ‌డంతో ఈ ప్రాజెక్ట్ పై మంచి క్రేజ్ ఏర్ప‌డింది.