యువ కథానాయకుడు నితిన్, మేఘా ఆకాష్ జంటగా నటించిన చిత్రం ‘ఛల్ మోహన్ రంగ’. కృష్ణ చైతన్య దర్శకత్వం వహించారు. పవన్ కళ్యాణ్, సుధాకర్ రెడ్డి  సంయుక్తంగా నిర్మించిన ఈ సినిమాకి త్రివిక్రమ్ శ్రీనివాస్ క‌థ‌ను అందించారు. తమన్ స్వరాలను సమకూర్చారు. ఇందులో నిన్నటి తరం నటీమణి లిజి కీలక పాత్రలో కనిపించనున్నారు. దాదాపు 28 ఏళ్ళ త‌రువాత ఆమె న‌టించిన‌ తెలుగు చిత్ర‌మిది.

ఈ సినిమాలో ఎటువంటి అభ్యంతరకరమైన సన్నివేశాలు లేకపోవడంతో  సోమవారం సెన్సార్ బోర్డు “క్లీన్ యు” సర్టిఫికేట్ ను జారీ చేసింది. ఇదిలా ఉంటే.. గ్రామీణ నేపథ్యంలో తెరకెక్కిన ఈ బ్యూటిఫుల్ లవ్ స్టోరీలో డెస్టినీ (విధి) కీలక పాత్ర పోషించనుందని సమాచారం. ఇప్పటికే విడుదలైన ప్రచార చిత్రాలతో పాటు.. పాటలు కూడా సినిమాపై అంచనాలను పెంచే విధంగా ఉన్నాయి. వీటితో పాటు.. నితిన్ నటించిన  ఈ 25వ చిత్రాన్ని డెస్టినీ ఏ విధంగా డిసైడ్ చేస్తుందో చూడాలంటే.. ఈ నెల 5వ తేదీ వరకు వేచి ఉండాల్సిందే.