గ‌తేడాది అఆతో ఘ‌న‌విజ‌యాన్ని అందుకున్నాడు యువ క‌థానాయ‌కుడు నితిన్‌. అయితే, ఈ ఏడాదిలో వ‌చ్చిన లై ఫ‌లితం అత‌న్ని నిరాశ ప‌రిచింది. కాగా, ప్ర‌స్తుతం ఆయ‌న ర‌చ‌యిత కృష్ణ చైత‌న్య ద‌ర్శ‌క‌త్వంలో ఓ సినిమా చేస్తున్నాడు. త్రివిక్ర‌మ్ శ్రీ‌నివాస్ క‌థ‌ని అందిస్తున్న ఈ చిత్రానికి ప‌వ‌న్ క‌ళ్యాణ్ ఓ నిర్మాత‌గా వ్య‌వ‌హరిస్తున్నారు. లై చిత్రంలో క‌థానాయిక‌గా న‌టించిన మేఘా ఆకాష్‌నే ఇందులోనూ హీరోయిన్‌గా న‌టిస్తోంది. థ‌మ‌న్ సంగీత‌మందిస్తున్నాడు.

కాగా, ఇటీవ‌లే అమెరికాకి భారీ షెడ్యూల్ నిమిత్తం వెళ్లిన చిత్ర బృందం.. అక్క‌డ షూటింగ్ పూర్తి చేసుకుంది. హీరో, హీరోయిన్ల‌తో పాటు ప్ర‌ధాన తారాగ‌ణంపై నెల‌రోజుల పాటు కీల‌క స‌న్నివేశాల‌ను చిత్రీక‌రించారు. రొమాంటిక్ ఎంట‌ర్‌టైన‌ర్‌గా తెరకెక్కుతున్న ఈ చిత్రం వ‌చ్చే ఏడాది ప్రేక్ష‌కుల ముందుకు రానుంది. క‌థానాయ‌కుడిగా నితిన్‌కి ఇది 25వ చిత్రం కావ‌డం విశేషం.