వైవిధ్య‌మైన క‌థా చిత్రాల‌కు ప్రాధాన్య‌మిస్తూ సినిమాలు తెరకెక్కించే ద‌ర్శ‌కుల్లో చంద్ర శేఖ‌ర్ ఏలేటి ఒక‌రు. ఈయ‌న ఇప్పుడు హీరో నితిన్‌తో ఓ సినిమా చేయ‌బోతున్న సంగ‌తి తెలిసిందే. తాజా స‌మాచారం ప్ర‌కారం ఈ సినిమా మెయిన్ కాన్సెప్ట్ అవ‌య‌వ‌దానంపై ఉంటుందట‌. మ‌నిషి చ‌నిపోయిన త‌ర్వాత ఆ అవ‌య‌వాల‌ను మ‌రొక‌రికి దానం చేస్తుంటారు. ఈ కాన్సెప్ట్‌కి క‌మ‌ర్షియ‌ల్ ఎలిమెంట్స్ జోడించి ఏలేటి సినిమా చేస్తున్నాడ‌ట‌.

గ‌తంలో కూడా బాంబే బ్ల‌డ్ అనే కాన్సెప్ట్‌తో ఒక్క‌డున్నాడు సినిమా తెర‌కెక్కించాడు. ఇప్పుడు అలాంటి కాన్సెప్ట్‌తో త‌న కొత్త చిత్రాన్ని తెర‌కెక్కిస్తున్నాడు. ప్ర‌స్తుతం ప్రీ ప్రొడ‌క్ష‌న్ ప‌నులు జ‌రుగుతున్నాయి. భవ్య‌క్రియేష‌న్స్ బ్యాన‌ర్‌పై ఆనంద‌ప్ర‌సాద్ నిర్మాణంలో సినిమా తెర‌కెక్క‌నుంది. ర‌కుల్ ప్రీత్ సింగ్ హీరోయిన్‌గా న‌టించే అవ‌కాశాలున్నాయి.