తుదిదశ కు చేరుకున్న నితిన్ 25
- IndiaGlitz, [Friday,January 26 2018]
యువ కథానాయకుడు నితిన్ 25 చిత్రాల మైలురాయికి చేరుకుంటున్న సంగ‌తి తెలిసిందే. ఈ ప్ర‌తిష్టాత్మ‌క చిత్రానికి ర‌చ‌యిత నుంచి ద‌ర్శ‌కుడిగా మారిన కృష్ణ చైతన్య దర్శకత్వం వహిస్తున్నారు. పాటల రచయితగా కెరీర్ ప్రారంభించిన కృష్ణ చైతన్య.. నారా రోహిత్ కథానాయకుడిగా న‌టించిన రౌడీఫెలో' (2014) సినిమాతో డైరెక్టరుగా మారిన సంగ‌తి తెలిసిందే. కాగా, చిత్రీకరణ తుదిద‌శ‌కు చేరుకున్న నితిన్ 25వ సినిమాకి సంబంధించి ఒక పాట, మరి కొంత చిత్రీకరణ మాత్ర‌మే మిగిలి ఉంద‌ని చిత్ర స‌న్నిహిత వ‌ర్గాలు పేర్కొంటున్నాయి.
మరో మూడు, నాలుగు రోజుల్లో చిత్రీకరణ మొత్తం పూర్తి చేసుకోనుంద‌ని తెలిసింది. అమెరికాలోనే ఎక్కువ శాతం చిత్రీకరణని జరుపుకున్న ఈ యూత్‌ఫుల్‌ ఎంటర్‌టైన‌ర్‌లో లై' ఫేమ్ మేఘా ఆకాష్ కథానాయికగా నటించింది. త్వ‌ర‌లోనే ఈ సినిమాకి సంబంధించి ఫస్ట్ లుక్‌తో పాటు విడుదల తేదీని కూడా ప్రకటించనున్నారు. త్రివిక్రమ్ శ్రీనివాస్ క‌థ‌ని అందించ‌గా.. పవర్ స్టార్ పవన్ కల్యాణ్ ఓ నిర్మాత‌గా వ్య‌వ‌హ‌రిస్తున్నారు. నితిన్ హోం బ్యానర్ శ్రేష్ఠ్ మూవీస్ పతాకంపై నిర్మిత‌మ‌వుతున్న ఈ సినిమాకి 'గుర్తుందా శీతాకాలం' అనే పేరు వినిపిస్తోంది.