சகோதரியின் பிறந்த நாளை ஜாலியாக கொண்டாடிய கனி! வைரல் புகைப்படம்
- IndiaGlitz, [Wednesday,June 09 2021]
விஜய் டிவியில் சமீபத்தில் முடிவடைந்த ’குக் வித் கோமாளி சீசன் 2 நிகழ்ச்சியின் டைட்டில் வின்னர் கனி என்பது தெரிந்ததே. குக் வித் கோமாளி நிகழ்ச்சிக்கு முன்னர் ஒரு சில திரைப்படங்களில் காஸ்ட்யூம் டிசைனராக கனி பணிபுரிந்து இருந்தாலும் குக் வித் கோமாளி நிகழ்ச்சி அவரை வேற லெவலுக்கு பிரபலமாக்கியது என்பதும் குறிப்பாக டைட்டில் வின்னர் ஆக வெற்றி பெற்ற அவருக்கு வாழ்த்துக்களும் பரிசுகளும் குவிந்தது என்பதும் குறிப்பிடத்தக்கது
இந்த நிலையில் கனியின் சகோதரிகளில் ஒருவரும் ‘கண்ணும் கண்ணும் கொள்ளையடித்தால்’ படத்தில் நடித்தவருமான நிரஞ்சனி, அந்த படத்தின் இயக்குனர் தேசிங்கு பெரியசாமியை சமீபத்தில் திருமணம் செய்து கொண்டார்.
இந்த நிலையில் நேற்று நிரஞ்சனி தனது பிறந்த நாளை கொண்டாடினார். திருமணத்திற்கு பின் கொண்டாடும் முதல் பிறந்த நாள் என்பதால் இந்த பிறந்த நாளை சகோதரிகள் விஜயலட்சுமி மற்றும் கனியுடன் சிறப்பாக கொண்டாடியுள்ளர். கனி, விஜயலட்சுமி, நிரஞ்சனி சகோதரிகள் மூவரும் பிறந்த நாளை வெகு சிறப்பாக கொண்டாடியுள்ள புகைப்படத்தை நடிகை விஜயலட்சுமி தனது இன்ஸ்டாகிராம் பக்கத்தில் பதிவு செய்துள்ளதை அடுத்து இந்த புகைப்படம் தற்போது வைரலாகி வருகிறது.