தமிழ் திரையுலகில் வேகமாக முன்னேறி வரும் நடிகைகளில் ஒருவர் நிக்கி கல்ராணி. இவர் நடிப்பில் சமீபத்தில் வெளிவந்த 'ஹர ஹர மகாதேவி' பெரிய பட்ஜெட் படங்களுக்கு இணையான வசூலை கொடுத்தது. இந்த நிலையில் தற்போது அவர் கீ, பக்கா, கலகலப்பு 2 ஆகிய படங்களில் நடித்து வருகிறார்

 'கலகலப்பு 2 படத்தின் படப்பிடிப்பு தற்போது காசி அருகே நடைபெற்று கொண்டிருக்கும் நிலையில் நிக்கி கல்ராணி இந்த படம் குறித்தும் அதில் தன்னுடைய கேரக்டர் குறித்தும் பேட்டி ஒன்றில் கூறியுள்ளார்.

இந்த படத்தில் தான் தாசில்தான் கேரக்டரில் நடித்து வருவதாகவும், ஜீவா, ஜெய் என இரண்டு ஹீரோக்களுடனும் படம் முழுக்க டிராவல் செய்யும் வகையில் இந்த கேரக்டர் அமைக்கப்பட்டுள்ளதாகவும் அவர் தெரிவித்துள்ளார்.

மேலும் இந்த படத்தில் நடிக்கும்போது தனக்கு வித்தியாசமான அனுபவங்கள் கிடைத்ததாகவும், இந்த படத்தில் தனக்கு வழங்கப்பட்ட பாரம்பரிய தமிழ்ப்பெண் கேரக்டரை தான் ரசித்து நடித்து வருவதாகவும் தெரிவித்துள்ளார்.

ஜீவா, ஜெய், சிவா, நிக்கி கல்ராணி, கேதரின் தெரசா, வையாபுரி, மனோபாலா, ரோபோசங்கர், சந்தான பாரதி உள்பட பலர் நடித்து வரும் இந்த படம் முதல் பாகம் போலவே காமெடிக்கு முக்கியத்துவம் தரும் படமாக இருக்கும் என்று எதிர்பார்க்கப்படுகிறது.