தமிழ் தெலுங்கு திரையுலகின் முன்னணி நடிகைகளில் ஒருவராகிய நிக்கி கல்ராணி சமீபத்தில் கொரோனாவால் பாதிக்கப்பட்டதாக தனது சமூக வலைத்தளத்தில் தெரிவித்து இருந்தார் என்பதும், அவர் தனிமைப்படுத்தப்பட்டு சிகிச்சை பெற்று வருவதாக கூறினார் என்பதும் தெரிந்ததே

இந்த நிலையில் தற்போது அவர் தனது சமூக வலைத்தளத்தில் வெளியிட்டுள்ள வீடியோ ஒன்றில் ’தான் தற்போது முழுமையாக கொரோனாவில் இருந்து குணமடைந்து விட்டதாக தெரிவித்துள்ளார். கொரோனா நோயிலிருந்து தான் குணமாக வேண்டுமென்று வாழ்த்து தெரிவித்த அனைவருக்கும் தனது நன்றியையும் அவர் தெரிவித்துள்ளார்

இந்த நிலையில் கொரோனாவால் பாதிக்கப்பட்ட தன்னுடைய அனுபவம் குறித்து பகிர்ந்து கொள்ள விரும்புவதாகவும் அவர் தெரிவித்துள்ளார். கொரோனாவால் பாதிக்கப்பட்டவர்கள் முதலில் பயத்தை கைவிட வேண்டும் என்றும், 14 நாட்கள் தனிமைப்படுத்தப்பட்டு மருத்துவர்களின் அறிவுரைப்படி நடந்து கொண்டால் வெகு எளிதாக கொரோனாவில் இருந்து விடுபடலாம் என்றும் எனவே முதலில் பயத்தை தவிர்க்க வேண்டும் என்று அவர் கூறியுள்ளார்

தனிமைப்படுத்தப்பட்டு இருந்தாலும் மொபைல் போன், டிவி இருப்பதால் இருப்பதால் எந்த பிரச்சனையும் இல்லை என்றும் மொபைல் போன் மூலம் நமது அன்புக்குரியவர்களுடன் பேசி அவ்வப்போது ரிலாக்ஸ் ஆகிக் கொள்ளலாம் என்றும் அவர் தெரிவித்துள்ளார்

மேலும் கொரோனாவால் பாதிக்கப்பட்டவர்கள் தயவுசெய்து தாங்களாகவே மருத்துவம் பார்த்துக் கொள்ள வேண்டாம் என்றும் அது ஆபத்தை ஏற்படுத்தும் என்றும் உடனடியாக மருத்துவரை அணுகி அவருடைய ஆலோசனைப்படி நடந்து கொள்ளுங்கள் என்றும் அவர் கூறியுள்ளார். நிக்கி கல்ராணியின் இந்த வீடியோ தற்போது வைரல் ஆகி வருகிறது என்பது குறிப்பிடத்தக்கது
 

View this post on Instagram

Please stay safe & look out for each other guys ?? I love you all ♥️✨

A post shared by Nikki Galrani ✨ (@nikkigalrani) on Aug 28, 2020 at 9:48pm PDT