నిఖిల్ హీరోగా న‌టించిన తాజా చిత్రం శంక‌రాభ‌ర‌ణం. ఈ చిత్రాన్ని నూత‌న ద‌ర్శ‌కుడు ఉద‌య్ నంద‌న‌వ‌న‌మ్ తెర‌కెక్కించారు. స్టార్ రైట‌ర్ కోన వెంక‌ట్ ఈ చిత్రానికి క‌థ‌, మాట‌లు, స్ర్కీన్ ప్లే అందించ‌డంతో పాటు చిత్ర సమ‌ర్ప‌కుడిగా కూడా వ్య‌వ‌హ‌రించిన విష‌యం తెలిసిందే. కోన వెంక‌ట్ నిఖిల్ తో సినిమా చేయాలి అనుకుని ఆఫీస్ కి పిలిపించార‌ట‌.

కోన..నిఖిల్ కి 45 నిమిషాల స్టోరి వినిపించాడ‌ట‌. క‌థ విన్ననిఖిల్ మొత్తం క‌థ చెప్ప‌గ‌ల‌రా అని అడిగాడ‌ట‌. ఆ స‌మ‌యంలో కోన కాస్త షాక్ అయ్యింటాడు. అయితే క‌థ రాయ‌డం పూర్త‌వ్వ‌గానే వినిపిస్తాను అన్నాడ‌ట‌. క‌థ రెడీ అయిన త‌ర్వాత కోన క‌థ చెప్ప‌డం నిఖిల్ ఓకె చెప్ప‌డం జ‌రిగింద‌ట‌. ఈ విష‌యాన్ని స్వ‌యంగా హీరో నిఖిల్ మీడియాకి చెప్ప‌డం విశేషం. మ‌రి..శంక‌రాభ‌ర‌ణం స‌క్సెస్ పై నిఖిల్ న‌మ్మ‌కం నిజ‌మ‌వుతుందో..? లేదో..? చూడాలి.