'పెళ్ళి చూపులు' దర్శకుడితో నిఖిల్
- IndiaGlitz, [Thursday,February 15 2018]
చిన్న సినిమాలతో పెద్ద విజయాలను అందుకున్న యువ క‌థానాయ‌కుల్లో నిఖిల్ ఒక‌రు. అలాగే త‌న మొద‌టి సినిమా పెళ్ళి చూపులు'తోనే భారీ విజ‌యాన్ని అందుకున్నారు దర్శకుడు తరుణ్ భాస్కర్. అలాంటి ఈ ఇద్దరి కలయికలో ఓ సినిమా తెరకెక్కబోతోందని టాలీవుడ్‌లో క‌థ‌నాలు వినిపిస్తున్నాయి. ఇటీవల ఈ యువ దర్శకుడు నిఖిల్‌కు ఓ ఆస‌క్తిక‌ర‌మైన కథను వినిపించారని సమాచారం. వైవిధ్యభ‌రిత‌మైన కథలకి ఎప్పుడూ గ్రీన్ సిగ్నల్ ఇచ్చే నిఖిల్....తరుణ్ చెప్పిన స్టోరీ కూడా కొత్తగా ఉండడంతో వెంట‌నే ఓకే చేసేశారని తెలిసింది.
ప్రస్తుతం తమిళ సినిమా కణితన్' తెలుగు రీమేక్ వెర్ష‌న్‌లో న‌టిస్తున్నాడు నిఖిల్. అలాగే తరుణ్ భాస్కర్ కూడా కొత్త నటీనటులతో....సురేష్ ప్రొడక్షన్ సంస్థ‌లో ఓ చిత్రాన్ని తెరకెక్కిస్తున్నారు. ఈ రెండు చిత్రాలు పూర్త‌య్యాకే త‌మ కాంబినేష‌న్‌ సినిమాని పట్టాలెక్కిస్తారని ఇన్‌సైడ్‌ సోర్స్ టాక్. కాగా, నిఖిల్ తాజా చిత్రం కిరాక్ పార్టీ' విడుద‌ల‌కి సిద్ధ‌మ‌వుతోంది. బ‌హుశా.. ఈ నెల 23న ఈ సినిమా రిలీజ్ అయ్యే అవ‌కాశ‌ముంది.