నిఖిల్ త‌మిళ చిత్రం `క‌ణిద‌న్‌`ను తెలుగులో ఏ ముహూర్తాన రీమేక్ చేయాల‌నుకున్నామో ఏమో కానీ.. విడుద‌ల‌కు చాలా అడ్డంకులు వ‌స్తున్నాయి. ముందు టైటిల్ విష‌యంలోనూ పెద్ద వివాద‌మే రేగింది. అలాగే సినిమా సెన్సార్ స‌హా పూర్త‌యినా కూడా, ఎప్పుడో మే నెల‌లో విడుద‌ల కావాల్సిన ఈ సినిమా ఇప్ప‌టికీ విడుద‌లకాలేదు. దానికి కార‌ణాలు అనేకం.

ఇలాంటి త‌రుణంలో నిఖిల్ అభిమాని ఒక‌డు ట్విట్ట‌ర్ వేదిక‌గా `అన్నా నీ `కిర్రాక్ పార్టీ` సినిమా విడుద‌లై 16 నెల‌లు అవుతుంది` అని అడిగితే `నిరీక్ష‌ణ‌కు త‌గ్గ ఫ‌లితం ఉంటుంది. పెద్దన్న `సాహో` త‌ర్వాత మ‌న సినిమా విడుద‌ల ఉంటుంది` అంటూ త‌న `అర్జున్ సుర‌వ‌రం` విడుద‌ల గురించి ఓ క్లారిటీ ఇచ్చాడు నిఖిల్‌. అంటే `అర్జున్ సుర‌వ‌రం` సెప్టెంబ‌ర్ లేదా అక్టోబ‌ర్‌లో విడుద‌ల‌య్యే అవ‌కాశాలున్నాయని తెలుస్తుంది.