ఏడాదికో సినిమాతో సంద‌డి చేసే క‌థానాయ‌కుడు.. ఒకే ఏడాదిలో రెండు సినిమాల‌తో ప‌ల‌క‌రిస్తే అత‌ను వేగం పెంచిన‌ట్లే లెక్క‌. ఇప్పుడు ఇదే లెక్క‌లో ఉన్నాడు యువ క‌థానాయ‌కుడు నిఖిల్‌. 'స్వామి రా..రా' తో కొత్త త‌ర‌హా చిత్రాల‌కు శ్రీ‌కారం చుట్టి ఫుల్ ఫామ్‌లోకి వ‌చ్చిన నిఖిల్.. ఆ త‌రువాత 'కార్తీకేయ' చేసి బ్లాక్‌బ‌స్ట‌ర్ హిట్ కొట్టాడు. వ‌రుస సంవ‌త్స‌రాల‌లో ఏడాదికొక‌టి చొప్పున అన్న‌ట్లుగా ఆ సినిమాలు రిలీజ్ అయ్యాయి.

అయితే.. ఈ ఏడాదిలో మాత్రం నిఖిల్ ఆ లెక్క‌ని మార్చేశాడు. ఈ సంవ‌త్స‌రం ఆరంభంలో 'సూర్య వెర్స‌స్ సూర్య‌'తో సంద‌డి చేసిన నిఖిల్‌.. ఈ దీపావ‌ళికి 'శంక‌రాభ‌ర‌ణం'తో ప‌ల‌క‌రించ‌నున్నాడు. ఇలా వేగాన్ని పెంచ‌డం ద్వారా నిఖిల్ ప‌రిశ్ర‌మ‌కి ప‌రోక్షంగా మేలు చేసిన‌ట్లే. వైవిధ్య‌మైన చిత్రాల‌తో.. వేగంతో.. నిఖిల్ వ‌రుస విజ‌యాల‌తో దూసుకెళ్లాల‌ని ఆశిద్దాం.