నిఖిల్, లావ‌ణ్య త్రిపాఠి జంట‌గా న‌టిస్తున్న యాక్ష‌న్ థ్రిల్ల‌ర్ 'ముద్ర‌'. వాస్త‌విక ఘ‌ట‌న‌ల ఆధారంగా జ‌ర్న‌లిజం నేప‌థ్యంలో తెర‌కెక్కుతోన్న సినిమా ఇది. స‌మాజంలో జ‌రుగుతున్న కొన్ని విష‌యాల‌ను ఎలా మీడియా ప‌రిష్క‌రిస్తుంది.. అందులో మీడియా బాధ్య‌త‌ను గుర్తు చేస్తూ ఈ చిత్రాన్ని తెర‌కెక్కిస్తున్నారు ద‌ర్శ‌కుడు టిఎన్ సంతోష్.

తొలిసారి ఇందులో నిఖిల్ జ‌ర్న‌లిస్ట్ పాత్ర‌లో న‌టిస్తున్నాడు.  ఔరా సినిమాస్ పివిటి మ‌రియు మూవీ డైన‌మిక్స్ ఎల్ఎల్‌పి సంస్థ‌ల‌పై కావ్య‌ వేణుగోపాల్, రాజ్ కుమార్ ముద్ర సినిమాను నిర్మిస్తున్నారు. బి మ‌ధు ఈ చిత్రానికి స‌మ‌ర్ప‌కుడిగా ఉన్న ఈ చిత్రాన్ని డిసెంబ‌ర్ 28న విడుద‌ల చేయ‌బోతామ‌ని ప్ర‌క‌టించారు.

కానీ దానికి ఇంకా ప‌దిరోజులు మాత్ర‌మే మిగిలి ఉంది. ప్ర‌మోష‌న‌ల్ యాక్టివిటీ ఏదీ మొద‌లు కాలేదు. దీంతో సినిమా మ‌రోసారి వాయిదా ప‌డుతుందా? అనే వార్త‌లు ఫిలింన‌గ‌ర్‌లో విన‌ప‌డుతున్నాయి.