నిఖిల్ మూవీ క్యాస్టింగ్ కాల్...
- IndiaGlitz, [Saturday,July 15 2017]
'స్వామిరారా', 'కార్తికేయ', 'ఎక్కడికి పోతావు చిన్నవాడా', 'కేశవ' వంటి వరుస విజయాలను సాధించిన యువ కథానాయకుడు నిఖిల్ హీరోగా ప్రముఖ నిర్మాణ సంస్థ ఎ.కె.ఎంటర్‌టైన్‌మెంట్స్‌ బ్యానర్‌పై ఓ చిత్రం రూపొందనుంది. శరణ్‌ కొప్పిశెట్టి అనే నూతన దర్శకుడు తెరకెక్కించనున్న చిత్రానికి, దర్శకుడు సుధీర్‌ వర్మ స్క్రీన్‌ప్లే సమకూరుస్తుండగా, మరో దర్శకుడు చందు మొండేటి డైలాగ్స్‌ అందిస్తున్నారు.
యూత్‌ఫుల్‌ ఎంటర్‌టైనర్‌గా సినిమా రూపొందనుంది. సినిమాల్లో నటించాలనుకునే యువతీయువకులకు నిర్మాణ సంస్థ ఎ.కె.ఎంటర్‌టైన్‌మెంట్స్‌ ఈ సినిమాలో అవకాశం కల్పిస్తుంది. అందులో భాగంగా ఆసక్తి ఉన్న యువతీ యువకులు ఫోటోతో పాటు తమ పూర్తి వివరాలను సెలబ్-జోన్. కామ్ లో అప్ డేట్ చేసుకోవాలని నిర్మాణ సంస్థ తెలియజేసింది.