విభిన్న చిత్రాలు చేసే హీరోగా నిఖిల్ కు గుర్తింపు ఉంది. రీసంట్‌గా ఎక్క‌డికి పోతావు చిన్న‌వాడా సినిమాతో మంచి స‌క్సెస్‌ను త‌న ఖాతాలో వేసుకున్న నిఖిల్ తాజా చిత్రం 'కేశవ'ను అభిషేక్ పిక్చర్స్ బ్యాన‌ర్ నిర్మిస్తుంది. 'స్వామి రారా' వంటి హిట్ తర్వాత సుధీర్ వర్మ - నిఖిల్ కాంబినేషన్లో రూపొందుతున్న చిత్రం కావడంతో ఈ సినిమాపై మంచి అంచ‌నాలే నెల‌కొన్నాయి.

పగ, ప్రతీకారం నేపథ్యంలో సాగే సరికొత్త కథతో తెరకెక్కుతోన్న ఈ సినిమా చిత్రీక‌ర‌ణ‌ను పూర్తి చేసుకుంది. నిర్మాణాంత‌ర కార్య‌క్ర‌మాల‌ను పూర్తి చేసుకుంటుంది. అన్నీ కార్య‌క్ర‌మాల‌ను పూర్తి చేసి సినిమాను మే12న విడుద‌ల చేయాల‌ని నిర్మాత‌లు భావిస్తున్నారు. త్వ‌ర‌లోనే ఆడియో విడుద‌ల‌కు సంబంధించిన వివ‌రాలు కూడా తెలుస్తాయి. నిణిల్ స‌ర‌స‌న రీతూవ‌ర్మ హీరోయిన్‌గా న‌టిస్తుంది.