స్వామిరారా', 'కార్తికేయ‌', 'సూర్య vs సూర్య' లాంటి వైవిధ్య‌మైన క‌థాంశాల‌తో స‌రికొత్త క‌థ‌నాల‌తో వ‌రుసగా హ్యాట్రిక్‌ సూప‌ర్‌హిట్ చిత్రాల‌తో యూత్‌లో యంగ్ఎన‌ర్జిటిక్ స్టార్ గా ఎదిగిన హీరో నిఖిల్ మ‌రో వినూత్న‌మైన క‌థాంశంతో మేఘ‌న ఆర్ట్స్ బ్యాన‌ర్‌పై రూపొందిన చిత్రం 'ఎక్క‌డికి పోతావు చిన్న‌వాడా'. హేబాప‌టేల్, నందిత శ్వేత‌ లు హీరోయిన్స్ గా నటించారు. ఈ చిత్రాన్ని 'టైగ‌ర్' ఫేం వి.ఐ.ఆనంద్ ద‌ర్శ‌కుడిగా తెర‌కెక్కించారు. అన్నీ కార్య‌క్ర‌మాల‌ను పూర్తి చేసి సినిమా న‌వంబ‌ర్ 18న విడుద‌ల‌వుతుంది.

చ‌నిపోయిన త‌ర్వాత మ‌నిషి 21 గ్రాములుగా మారుతాడు అనే కాన్సెప్ట్‌తో ఆత్మ‌లున్నాయా లేవా అనే క‌థాంశంతో రూపొందిన ల‌వ్ థ్రిల్ల‌ర్ ఇది. ఈ సినిమాను ఓవ‌ర్ సీస్‌లో నిర్వాణ సినిమాస్ విడుద‌ల చేస్తుంది. నిఖిల్ సినిమాల్లో ఇప్ప‌టి వ‌ర‌కు ఏ సినిమా కూడా ఓవ‌ర్‌సీస్‌లో విడుద‌ల కానీ విధంగా 90 లోకేష‌న్స్‌లో సినిమాను విడుద‌ల చేస్తుండ‌టం విశేషం. ఈ విష‌య‌మై నిఖిల్ చాలా ఆనందంగా ఉన్నాడ‌ట‌. మ‌రి ఈ సినిమా నిఖిల్‌కు ఎలాంటి స‌క్సెస్ తెచ్చిపెడుతుందో చూడాలి..