హాఫ్ మిలియన్ క్రాస్ చేసిన నిఖిల్..!
- IndiaGlitz, [Friday,November 25 2016]
విభిన్న క‌థా చిత్రాల‌తో వ‌రుస విజ‌యాలు సాధిస్తున్న యువ క‌థానాయ‌కుడు నిఖిల్. వి.ఐ.ఆనంద్ దర్శకత్వంలో నిఖిల్ న‌టించిన చిత్రం ఎక్క‌డికిపోతావు చిన్న‌వాడా. వైవిధ్య‌మైన క‌థాంశంతో రూపొందిన ఈ చిత్రం ఫ‌స్ట్ డే ఫ‌స్ట్ షో నుంచే హిట్ టాక్ సొంతం చేసుకుని అన్ని ఏరియాల్లో స‌క్సెస్ ఫుల్ గా ర‌న్ అవుతుంది. 500, 1000 నోట్ల ర‌ద్దుతో కరెన్సీ క‌ష్టాలు ఉన్నా ఈ మూవీ మంచి క‌లెక్ష‌న్స్ వ‌సూలు చేస్తుండ‌డం విశేషం. ఇదిలా ఉంటే...ఈ చిత్రం ఓవ‌ర్ సీస్ లో నిఖిల్ కెరీర్ లో ఓ రికార్డ్ అందించింది. గ‌త శుక్ర‌వారం రిలీజైన ఈ చిత్రం ఓవ‌ర్ సీస్ లో 5,25,000 డాల‌ర్లు వ‌సూలు చేసి హాఫ్ మిలియన్ మార్క్ ను క్రాస్ చేసింది. యుఎస్ బాక్సాఫీస్ లో హాఫ్ మిలియన్ మార్క్ ను అందుకోవ‌డం నిఖిల్ కి ఇదే ఫ‌స్ట్ టైమ్.