'కార్తికేయ‌' చిత్రం గుర్తుంది క‌దా? ద‌ర్శ‌కుడు చందు మొండేటికి మంచి పేరు తెచ్చిపెట్టింది. థ్రిల్ల‌ర్‌గా చాలా మందిని ఆక‌ట్టుకుంది. సుబ్ర‌హ్మ‌ణ్య‌పురంలో జ‌రిగిన క‌థ‌తో ఈ సినిమా రూపొందింది. స్వాతి, నిఖిల్ మ‌ధ్య కెమిస్ట్రీ ఈ సినిమాలో చాలా బాగా పండింది. ఇప్పుడు ఈ సినిమాకు సీక్వెల్ సిద్ధ‌మ‌వుతోంది. సీక్వెల్ గురించి చాలా కాలంగా వార్త‌లు వినిపిస్తూనే ఉన్న‌ప్ప‌టికీ, తాజాగా చందు మొండేటి చెప్పిన క‌థ‌కు నిఖిల్ గ్రీన్ సిగ్న‌ల్ ఇచ్చేశార‌ని టాక్‌.

'కార్తికేయ‌'లో న‌టించిన న‌టీన‌టులు, ప‌నిచేసిన సాంకేతిక నిపుణులు ఈ సినిమాకు కూడా ప‌నిచేస్తార‌ని వినికిడి. ఈ సినిమా కోసం నిఖిల్ సిక్స్ ప్యాక్ కూడా చేయ‌నున్నారు. ఇందులో యాక్ష‌న్ డోస్‌ను పెంచ‌నున్నారు. ఉత్త‌ర భార‌త‌దేశంలోని చారిత్ర‌క ప్రాంతాల్లో ఎక్కువ శాతాన్ని చిత్రీక‌రించడానికి స‌న్నాహాలు చేస్తున్నారు. మ‌రి ఇందులో నాయిక ఎవ‌ర‌నేది స‌స్పెన్స్ .

స్వాతి కీల‌క పాత్ర పోషిస్తుందా? లేదా? అనే ది వేచి చూడాల్సిందే. మంచి పాత్ర‌లొస్తే న‌టించ‌మ‌ని ఆమె భ‌ర్త కూడా స్వాతిని ప్రోత్స‌హిస్తున్న‌ట్టు తెలిసింది. మ‌రోవైపు నిఖిల్ అర్జున్ సుర‌వరం విడుద‌ల కోసం వెయిట్ చేస్తున్నాడు.