పులి చిత్రంతో తెలుగు తెర‌కు ప‌రిచ‌య‌మైన క‌థానాయిక నికిషా ప‌టేల్. ఆత‌ర్వాత నంద‌మూరి క‌ళ్యాణ్ రామ్ తో ఓం 3డి సినిమా చేసిన నికిషా తాజాగా సాయిరామ్ శంక‌ర్ తో క‌లిసి అర‌కురోడ్ లో అనే చిత్రంలో న‌టించింది. ఈ మూవీ ప్ర‌మోష‌న్ లో భాగంగా ట్విట్ట‌ర్ లో నికిషాను అడిగిన ప్ర‌శ్న‌ల‌కు స‌మాధానాలు ఇచ్చింది. ప‌వ‌న్ గురించి ఒక్క మాట చెప్ప‌మంటే...ప‌వ‌న్ చాలా తెలివైన వ్య‌క్తి అని స‌మాధానం ఇచ్చింది.

ఇక పూరి జ‌గ‌న్నాథ్ గురించి అడిగితే...తెలుగు ఇండ‌స్ట్రీలో క‌లిసిన ఫ‌స్ట్ డైరెక్ట‌ర్ పూరి జ‌గ‌న్నాథ్. ఆయ‌న హార్ట్ చాలా యంగ్ గా ఉంటుంది అని చెప్పింది. పూరి సోద‌రుడు సాయిరామ్ శంక‌ర్ తో క‌లిసి న‌టించారు క‌దా అత‌ని ఏక్టింగ్ గురించి ఏం చెబుతారు అంటే..తెలుగు ఇండ‌స్ట్రీలో ఉన్న వెర్స‌టైల్ ఆర్టిస్టుల్లో సాయిరామ్ శంక‌ర్ ఒక‌రు అంటుంది. ఇక త‌మిళ్ లో ఫేవ‌రేట్ ఏక్ట‌ర్స్ ఎవ‌రంటే...అజిత్, సూర్య అని చెప్పింది. సంచ‌ల‌న ద‌ర్శ‌కుడు రామ్ గోపాల్ వ‌ర్మ గురించి అడిగితే...ప్ర‌జెంట్ ఇండ‌స్ట్రీలో ద‌మ్మ‌న్నోడు రామ్ గోపాల్ వ‌ర్మ అని చెప్పింది. దీనిని బ‌ట్టి వ‌ర్మ‌ని నికిషా బాగా అబ్జ‌ర్వ్ చేస్తున్న‌ట్టు తెలుస్తుంది. మ‌రి..నికిషా స్టేట్ మెంట్ కి వ‌ర్మ రియాక్ట్ అవుతాడో లేదో చూడాలి.