నిహారిక సినిమా పూర్తయ్యింది
- IndiaGlitz, [Friday,January 12 2018]
మెగా బ్రదర్ నాగబాబు తనయ నిహారిక ఒక మ‌న‌సు చిత్రంతో తెలుగు తెర‌కు క‌థానాయిక‌గా ప‌రిచ‌య‌మైన సంగ‌తి తెలిసిందే. ప్రస్తుతం ఈ ముద్దుగుమ్మ హ్యాపీ వెడ్డింగ్' అనే సినిమా చేస్తోంది. తన మొదటి చిత్రం బాక్సాఫీస్ వద్ద ఆశించినంత విజయం సాధించకపోవడంతో.. కొంత గ్యాప్ తీసుకుని ఈ సినిమాకి గ్రీన్ సిగ్నల్ ఇచ్చింది నిహారిక. ఇటీవ‌లే లాంఛ‌నంగా ప్రారంభ‌మైన ఈ హ్యాపీ వెడ్డింగ్'.. తాజాగా చిత్రీకరణని కూడా పూర్తిచేసుకున్నట్టు సమాచారం.
ఈ చిత్రంలో నిహారిక‌కి జోడిగా సుమంత్ అశ్విన్ నటించాడు. ఈ చిత్రంతో లక్ష్మణ్ కార్య డైరెక్టరుగా పరిచయం కానున్నాడు. గ్రామీణ నేపథ్యంలో సాగే ఈ రొమాంటిక్ ఫ్యామిలీ లవ్ స్టోరీకి టాలీవుడ్ రాక్ స్టార్ దేవిశ్రీ ప్రసాద్ మ్యూజిక్ డైరెక్టర్ కాగా...బాల్ రెడ్డి ఛాయాగ్ర‌హ‌ణం అందిస్తున్నారు. ఈ ఏడాది ప్ర‌థ‌మార్థంలో ఈ సినిమా తెర‌పైకి రానుంది. ఈ సినిమా ఇటు నిహారిక, అటు సుమంత్ కెరీర్ల పరంగా ఎంతో కీలకమనే చెప్పాలి. ఇదిలా ఉంటే.. ఒరు నాల్ల నాల్ పాతు సోల్రెన్' అనే తమిళ మూవీలో కూడా నిహారిక నటిస్తోంది. విజయ్ సేతుప‌తి హీరోగా నటిస్తున్న ఈ చిత్రం ప్రస్తుతం షూటింగ్ దశలో ఉంది.