ప‌వ‌ర్‌స్టార్ ప‌వ‌న్‌క‌ళ్యాణ్ లేటెస్ట్‌గా రెండు సినిమాల‌ను పూర్తి చేసే ప‌నిలో బిజి బిజీగా ఉన్నారు. ఇందులో ఓ సినిమా ‘హ‌రిహ‌ర వీర‌మ‌ల్లు’. మెఘల్ కాలపు నేపథ్యంలో తెరకెక్కుతోన్న పీరియాడిక్ మూవీ ఇది. క్రిష్ జాగర్లమూడి దర్శకత్వంలో రూపొందుతోన్న సినిమాను ఎ.ఎం.ర‌త్నం నిర్మిస్తున్నారు. వ‌చ్చే ఏడాది సంక్రాంతికి సినిమాను విడుద‌ల చేస్తున్న‌ట్లు నిర్మాత‌లు ఇది వ‌ర‌కే ప్ర‌క‌టించారు. రీసెంట్‌గా విడుద‌లైన ఈ సినిమా ఫ‌స్ట్ గ్లింప్స్ సోష‌ల్ మీడియాలో ట్రెండ్‌ క్రియేట్ చేస్తోంది. ఈ సినిమాపై ఉన్న అంచ‌నాలు గ్లింప్స్‌తో రెట్టింపు అయ్యాయి.

తాజా స‌మాచారం మేర‌కు, ఈ సినిమాలో నిధి అగ‌ర్వాల్‌, జాక్వ‌లైన్ ఫెర్నాండెజ్ హీరోయిన్స్‌గా న‌టిస్తున్నారు. ఇందులో నిధి అగ‌ర్వాల్‌.. పాత్ర గురించి ఆస‌క్తిక‌ర‌మైన విష‌య‌మొక‌టి నెట్టింట హ‌ల్‌చ‌ల్ చేస్తుంది. అదేంటంటే, సినిమాలో ప‌వ‌న్‌క‌ళ్యాణ్ బందిపోటు పాత్ర‌లో క‌నిపిస్తాడ‌ట‌. ఆయ‌న పాత్ర త‌ర‌హాలోనే నిధి అగ‌ర్వాల్ పాత్ర కూడా దొంగ అని వార్త‌లు వినిపిస్తున్నాయి. ప‌వ‌న్‌క‌ళ్యాణ్‌, నిధి అగ‌ర్వాల్ ఇద్ద‌రూ క‌లిసి.. ఔరంగ‌జేబు ద‌గ్గ‌ర ఉండే కోహినూర్ డైమండ్‌ను దొంగ‌లించ‌డానికి ప్లాన్ చేస్తార‌ట‌. ప‌వ‌న్‌, నిధి మ‌ధ్య స‌న్నివేశాల‌ను కామెడీ యాంగిల్‌లో డైరెక్ట‌ర్ క్రిష్ రాసుకున్నాడ‌ట‌.