ஜெயம் ரவி நடித்து முடித்துள்ள 'கோமாளி' திரைப்படத்தின் படப்பிடிப்புகள் முடிவடைந்து விரைவில் வெளிவரவுள்ள நிலையில் இந்த படத்தின் புரமோஷன் பணிகள் ஆரம்பமாகிவிட்டது. இந்த படத்தில் ஜெயம் ரவி ஒன்பது வித்தியாசமான கேரக்டர்களில் நடித்திருப்பதாக கூறப்படும் நிலையில் தினமும் ஒரு கேரக்டரின் ஃபர்ஸ்ட்லுக் வெளியாகி வருகிறது.

இந்த நிலையில் ஜெயம் ரவியின் அடுத்த படத்தை இயக்குனர் லட்சுமணன் இயக்கவுள்ளதாக வெளிவந்த செய்தியை ஏற்கனவே பார்த்தோம். இவர் ஜெயம் ரவியின்' 'ரோமியோ ஜூலியட்' மற்றும் 'போகன்' திரைப்படங்களை இயக்கியவர் என்பது குறிப்பிடத்தக்கது. ஜெயம் ரவியின் 25வது படமாக உருவாகவுள்ள இந்த படத்திற்கு டி.இமான் இசையமைக்கவுள்ளார். இந்த படத்தின் ஆரம்பகட்ட பணிகள் நடைபெற்று வருகிறது.

இந்த நிலையில் இந்த படத்தில் ஜெயம் ரவிக்கு ஜோடியாக பிரபல பாலிவுட் மற்றும் டோலிவுட் நடிகை நிதிஹி அகர்வால் நடிக்கவுள்ளதாக செய்திகள் வெளிவந்துள்ளது. இந்த செய்தி உறுதி செய்யப்பட்டால் இவர் நடிக்கும் முதல் தமிழ்ப்படம் இதுதான் என்பது குறிப்பிடத்தக்கது