పవన్ కళ్యాణ్ గురించి నిధి అగర్వాల్ ఏమందంటే..?
- IndiaGlitz, [Tuesday,March 30 2021]
ప‌వ‌ర్‌స్టార్ ప‌వ‌న్‌క‌ళ్యాణ్ లేటెస్ట్‌గా రెండు సినిమాల‌ను పూర్తి చేసే ప‌నిలో బిజి బిజీగా ఉన్నారు. ఇందులో ఓ సినిమా ‘హ‌రిహ‌ర వీర‌మ‌ల్లు’. మెఘల్ కాలపు నేపథ్యంలో తెరకెక్కుతోన్న పీరియాడిక్ మూవీ ఇది. క్రిష్ జాగర్లమూడి దర్శకత్వంలో రూపొందుతోన్న సినిమాను ఎ.ఎం.ర‌త్నం నిర్మిస్తున్నారు. వ‌చ్చే ఏడాది సంక్రాంతికి సినిమాను విడుదల చేస్తున్న‌ట్లు నిర్మాత‌లు ఇది వ‌ర‌కే ప్ర‌క‌టించారు. ఈ చిత్రంలో ఇద్ద‌రు హీరోయిన్స్ ఉంటారు. ఒక‌రు నిధి అగర్వాల్, జాక్వ‌లైన్ ఫెర్నాండెజ్ మ‌రో హీరోయిన్‌. ఇందులో నిధి అగర్వాల్ పాత్రను డైరెక్ట‌ర్ క్రిష్ చాలా ఆస‌క్తిక‌రంగా డిజైన్ చేశాడ‌ట. ఇందులో నిధి అగర్వాల్ పాత్ర దొంగ. రీసెంట్‌గానే కొన్ని స‌న్నివేశాల‌ను యూనిట్ స‌భ్యులు చిత్రీక‌రించారు.
రీసెంట్‌గా ఓ ఇంట‌ర్వ్యూలో నిధి అగర్వాల్ ప‌వ‌న్‌క‌ళ్యాణ్ గురించి మాట్లాడుతూ ‘‘పవన్‌క‌ళ్యాణ్‌గారు సెట్స్‌లో ఉంటే ఆయ‌న చుట్టూ ఓ ఓరా ఉంటుంది. ప్ర‌జలు ఆయ‌న్ని ఎంతో గొప్ప‌గా చూస్తుంటారు. ఆయ‌న చాలా మంచి మ‌న‌స్త‌త్వంతో ఉంటారు. ఇప్ప‌టి వ‌ర‌కు నేను వ‌ర్క్ చేసిన కోస్టార్స్‌లో ఆయ‌న బెస్ట్ కోస్టార్‌’’ అని తెలియ‌జేసింది నిధి అగర్వాల్.