உதயநிதி-மகிழ்திருமேனி படத்தில் நாயகி திடீர் மாற்றமா? சிம்பு நாயகிக்கு அடித்த அதிர்ஷ்டம்!
![](https://d1pyuwmru9u39x.cloudfront.net/images/player/play-spl.png)
![](https://d1pyuwmru9u39x.cloudfront.net/images/player/igplunmute.png)
Send us your feedback to audioarticles@vaarta.com
![](https://d1pyuwmru9u39x.cloudfront.net/images/player/igpl-like.png)
![](https://d1pyuwmru9u39x.cloudfront.net/images/player/igpl-dislike.png)
தளபதி விஜய் நடிக்கும் அடுத்த படத்தை இயக்கும் இயக்குனர்கள் பட்டியலில் மகிழ்திருமேனி பெயரும் உள்ளது என்பது தெரிந்ததே. இந்த நிலையில் மகிழ்திருமேனி தற்போது உதயநிதி ஸ்டாலின் நடிக்கும் அதிரடி ஆக்ஷன் படம் ஒன்றை இயக்கவிருக்கிறார். இந்த படத்திற்கான ஆரம்பகட்ட பணிகள் தற்போது நடைபெற்று வருகின்றன இந்த படத்தின் படப்பிடிப்பு அடுத்த மாதம் 4-ஆம் தேதி சென்னையில் தொடங்க இருப்பதாக தகவல்கள் வெளிவந்துள்ளன.
இந்த நிலையில் இந்த படத்தில் உதயநிதி ஸ்டாலின் ஜோடியாக அனு இமானுவேல் நடிப்பார் என்று செய்திகள் வெளிவந்தன. இவர் ஏற்கனவே விஷாலின் ‘துப்பறிவாளன்’, ‘சிவகார்த்திகேயனின் ‘நம்ம வீட்டு பிள்ளை’ ஆகிய படங்களில் நடித்துள்ளார் என்பது தெரிந்ததே. ஆனால் தற்போது வந்துள்ள தகவலின்படி இந்த படத்தில் அனு இமானுவேலுக்கு பதிலாக நிதி அகர்வால் நடிக்க இருப்பதாக தெரிகிறது.
ஏற்கனவே நிதி அகர்வால் ஜெயம் ரவியின் ’பூமி’ படத்தில் நடித்துள்ளார் என்பதும் தற்போது சிம்பு நடிப்பில் சுசீந்திரன் இயக்கத்தில் உருவாகி வரும் ’சம்பவம்’ படத்திலும் நடித்து வருகிறார் என்பதும் தெரிந்ததே. உதயநிதி படத்தில் நிதி அகர்வால் நடிக்க இருக்கும் தகவல் விரைவில் அதிகாரபூர்வமாக அறிவிக்கப்படும் என்று படக்குழுவினர்களிடம் இருந்து தகவல்கள் வெளிவந்துள்ளன.
ஏற்கனவே தெலுங்கு மற்றும் ஹிந்தி திரையுலகில் பிஸியாக இருக்கும் நிதி அகர்வால் தற்போது தமிழ் திரையுலகில் அடுத்தடுத்து படங்களில் கமிட்டாகி வருவது அவரது அதிர்ஷ்டத்தை காட்டுவதாக ரசிகர்கள் தெரிவித்து வருகின்றனர்.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Comments