உங்களுடன் பணிபுரிய வேண்டும் என்பது என் கனவு: அட்லி குறிப்பிடுவது யாரை?
- IndiaGlitz, [Monday,May 15 2017]
பிரமாண்ட இயக்குனர் ஷங்கரின் உதவியாளராக இருந்த அட்லி, பின்னர் 'ராஜா ராணி' படத்தின் மூலம் இயக்குனர் ஆனார். முதல் படம் கொடுத்த வெற்றியால் அவருக்கு இளையதளபதி விஜய்யின் 'தெறி' படத்தை இயக்கும் வாய்ப்பு கிடைத்தது. 'தெறி'யும் சூப்பர் ஹிட் ஆகி தற்போது மீண்டும் விஜய்யுடன் இணைந்து 'தளபதி 61' என்னும் படத்தை இயக்கி வருகிறார்.
இந்த நிலையில் ஆக்சன் கிங் அர்ஜூன் நடித்துள்ள 150வது படத்தின் டீசருக்கு தனது வாழ்த்துக்களை சமூக வலைத்தளம் மூலம் அட்லி தெரிவித்துள்ளார். மேலும் 'அர்ஜூன் சார், உங்களுடன் பணிபுரிய வேண்டும் என்பது என் நீண்ட நாள் கனவு. உங்களுடைய 150வது படம் நிபுணன்' வெற்றி பெற வாழ்த்துக்கள்" என்று சமூக வலைத்தளத்தில் பதிவு செய்துள்ளார்.
'தளபதி 61' படத்தை அடுத்து அட்லியின் அடுத்த பட ஹீரோ யார் என்பது குறித்து இப்போதே கோலிவுட்டில் செய்திகள் வெளியாகி வரும் நிலையில் அட்லியின் நீண்ட நாள் கனவை அர்ஜூன் நிறைவேற்றுவாரா? என்பதை பொறுத்திருந்து பார்ப்போம்