சூர்யா நடிப்பில் சுதா கொங்காரா இயக்கும் 'சூர்யா 38' திரைப்படத்தின் பூஜை நேற்று நடந்த நிலையில் இன்று அந்த படத்தின் படப்பிடிப்பு தொடங்கியது. இந்த நிலையில் சூர்யா நடிப்பில் செல்வராகவன் இயக்கிய 'என்.ஜி.கே. திரைப்படம் வரும் மே மாதம் 31ஆம் தேதி வெளியாகவிருப்பதாக அறிவிக்கப்பட்டுள்ளது.

இந்த நிலையில் இந்த படத்தின் புரமோஷன் பணிகளும் தற்போது தொடங்கப்பட்டுள்ளது. முதல்கட்டமாக இந்த படத்தின் ஃபர்ஸ்ட்சிங்கிள் பாடல் ஏப்ரல் 12ஆம் தேதி வெளியாகவிருப்பதாக இந்த படத்தின் தயாரிப்பு நிறுவனமான ட்ரீம் வாரியர் பிக்சர்ஸ் நிறுவனம் தனது சமூக வலைத்தள பக்கத்தில் அறிவித்துள்ளது. இன்னும் நான்கு நாட்களே இருப்பதால் இந்த சிங்கிள் பாடலை பிரமாண்டமாக வரவேற்க சூர்யாவின் ரசிகர்கள் தயாராகி வருகின்றனர்.

சூர்யா, ரகுல் ப்ரித்திசிங், சாய்பல்லவி, பாலாசிங், மன்சூர் அலிகான், சம்பத்ராஜ், சரத்குமார், ஜெகபதிபாபு உள்ளிட்ட பலர் நடித்துள்ள இந்த படத்திற்கு யுவன்ஷங்கர் ராஜா இசையமைத்துள்ளார்.