നെയ്മര്‍ വീണ്ടും അച്ഛനാവുന്നു
- IndiaGlitz, [Thursday,April 20 2023]
ഫുട്ബോൾ സൂപ്പർ താരം നെയ്മർ വീണ്ടും അച്ഛനാകുന്നു. വിശേഷം അറിയിച്ചു കൊണ്ട് നെയ്മറും ബ്രൂണയും നടത്തിയ ഫോട്ടോഷൂട്ട് ചിത്രങ്ങൾ സോഷ്യൽ മീഡിയയിൽ ഇരുവരും പങ്കു വച്ചത് ഇതിനോടകം വൈറലായി കഴിഞ്ഞു. നെയ്മറുടെ കാമുകിയും മോഡലുമായ ബ്രൂണ ബിയാന്‍കാര്‍ഡിയ താൻ ഗര്‍ഭിണിയാണെന്ന സന്തോഷ വാർത്തയോടൊപ്പം ബ്രൂണയുടെ വയറില്‍ ചുംബിക്കുന്ന നെയ്മറുടെ ചിത്രവും ആരാധകരുമായി പങ്കുവെച്ചിട്ടുണ്ട്. 31കാരനായ നെയ്മറുടെ രണ്ടാമത്തെ കുട്ടിയാണിത്. ആദ്യ കാമുകി കരോലീന ഡാന്‍റാസില്‍ നെയ്മര്‍ക്ക് 12 വയസുള്ള മകനുണ്ട്.
നിന്‍റെ ജീവിതത്തെക്കുറിച്ച് ഞങ്ങൾ സ്വപ്നം കാണുന്നു, നിന്‍റെ വരവിനായി ഞങ്ങൾ ഒരുക്കങ്ങള്‍ നടത്തുന്നു, ഞങ്ങളുടെ സ്നേഹം പൂർത്തികരണമായി നീ ഇവിടെയുണ്ടെന്ന് അറിയുന്നത് ഞങ്ങളെ കൂടുതൽ സന്തോഷിപ്പിക്കുന്നു. ഇതിനകം തന്നെ നിന്നെയേറെ സ്നേഹിക്കുന്ന നിന്‍റെ സഹോദരൻ, മുത്തശ്ശിമാർ, അമ്മാവൻമാർ, അമ്മായിമാർ എന്നിവരോടൊപ്പം മനോഹരമായ ഒരു കുടുംബത്തിൽ നീ എത്തിച്ചേരും. വേഗം വരൂ മകനേ/മകളേ, ഞങ്ങൾ നിനക്കായി കാത്തിരിക്കുകയാണ് ബ്രൂണ ഇന്‍സ്റ്റഗ്രാമില്‍ കുറിച്ചതിങ്ങനെ. 2021 മുതൽ പ്രണയത്തിലായ നെയ്മറും ബ്രൂണയും 2022 ജനുവരിയിലാണ് ബന്ധം സ്ഥിരീകരിച്ചത്. ബ്രൂണയുമായുള്ള വിവാഹനിശ്ചയം പിന്നീട് തീരുമാനിച്ചെങ്കിലും അത് നടന്നില്ല.